مه‌سرور بارزانی، راوێژكاری ئه‌نجوومه‌نی ئاسایشی هه‌رێمی كوردستان، له كۆبوونه‌وه‌یدا له‌گه‌ڵ خوان خۆسی ئیسكۆبار، باڵیۆزی ئیسپانیا له عێراق رایگه‌یاند، هه‌رێمی كوردستان بە بایەخەوە سەیری پەیوەندییەکانی لەگەڵ ئیسپانیا دەکات.
ئەمڕۆ 9/2/2019 مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە خوان خۆسیە ئیسکۆبار ستێنمان باڵیۆزی ئیسپانیا لە عێراق و شاندی یاوەری کرد.
لەم دیدارەدا کە كونسولی فەخری ئیسپانیا له هەولێر ئامادە بوو پەیوەندییە دووقۆڵیەکان و پەرەسەندنی رەوشی ناوچەکە تاوتوێ کران.
مەسرور بارزانی، وێڕای سوپاسکردنی گەل و حکوومەتی ئیسپانیا لە پشتیوانییەکانی بۆ هەرێمی کوردستان، جەختی لە پەرەپێدان و پتەوترکردنی پەیوەندییە دووقۆڵیەکان کردەوە و باسی لەوە کرد، هەرێمی کوردستان بە بایەخەوە سەیری پەیوەندییەکانی لەگەڵ ئیسپانیا دەکات و خوازیاری زیاتر بەرەوپێشبردنی ئەو پەیوەندیانەیە لە گشت بوارەکاندا.
لەم دیدارەدا باڵیۆزی ئیسپانیا باسی له‌وه كرد، كه ئەوان رێز لە قوربانییەکانی گەلی کوردستان لە شەڕی تیرۆریستان و هەوڵ و تێکۆشانەکانی گەلی کوردستان بۆ ئایندەیەکی گەشتر دەگرن، هەروەها ئاماژەی بەوەشدا، کە وڵاته‌كه‌ی لەگەڵ فره‌وانتركردنی په‌یوه‌ندییه‌كانی نێوان هەردوولایە له بواره جیاجیاكاندا.
تاووتوێكردنی رەوشی گشتی ناوچه‌كه و پێكهێنانی كابینه‌ی نوێی حكوومه‌تی هه‌رێمی کوردستان تەوەرێکی دیكه‌ی دیداره‌كه بوو.
No comments:
Post a Comment