Masrour barzaniمەسرور بارزانی و باڵیۆزی ژاپۆن لە عێراق كۆبوونەوە
مەسرور بارزانی سوپاسی گەل و حکوومەتی ژاپۆن دەكات
ئەمرۆ چوارشەممە 20/2/2019، مەسرور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە نافومی هاشیمۆتۆ، باڵیۆزی ژاپۆن لە عێراق کرد.
لەدیدارێکدا، کە کونسوڵی گشتیی ژاپۆن لە هەولێر ئامادە بوو، دوا پێشهاتەکانی ناوچەکە و فراوانکردنی پەیوەندییەکان و دەرفەتی وەبەرهێنان لە هەرێمی کوردستان تاوتوێ کرا.
مەسرور بارزانی، سوپاسی گەل و حکوومەتی ژاپۆنی کرد بۆ ئه‌و هاوکاری و یارمەتییانەی لە ماوەی رابردوودا، پێشکەشی هەرێمی کوردستانی کردووە.
لەلای خۆیشیەوە باڵیۆزی ژاپۆن، ھیوای سەرکەوتنی بۆ مەسرور بارزانی خواست لە سەرۆکایەتیکردنی کابینەی داھاتووی حکوومەتی هەرێمی کوردستان، هاوکات ئامادەیی وڵاتەکەی دەربڕی لە پێشکەشکردنی هاوکارییەکان و بەشداربوون لە پەرەپێدانی ژێرخانی هەرێمی کوردستان لە بوارە جیاجیاکاندا.
لە بەشێکی دیکەی دیدارەکەدا گفتوگۆ لەبارەی رۆڵی کۆمپانیاکانی ژاپۆن لە بواری ئاوەدانکردنەوە و پەرەپێدان کرا و جەخت کرایەوە، کە هەرێمی کوردستان ژینگەیەکی لەبارە بۆ وەبەرهێنان لە بوارە جیاجیاکاندا.
هەوڵ و هەنگاوەکانی پێکهێنانی کابینەی نوێی حکوومەتی هەرێمی کوردستان و قووڵترکردنەوەی پەیوەندییەکانی نێوان هەرێمی کوردستان و ژاپۆن، بە شێوەیەک لە بەرژەوەندیی هەردوولادا بێت، تەوەرێکی دیکەی دیدارەکە بوو.
No comments:
Post a Comment