مەسرور بارزانی و فەرماندەی هێزەکانی هاوپەیمانان لە عێراق و سووریا کۆبوونەوە Masrour Barzani
مه‌سرور بارزانی هۆشداری له ئه‌گه‌ری سه‌رهه‌ڵدانه‌وه‌ی تیرۆر ده‌دات
ئەمرۆ چوارشەممە ٢٠-٢-٢٠١٩ له دیدارێكی نێوان مەسرور بارزانی، راوێژکاری ئەنجوومەنی ئاسایشی هەرێمی کوردستان و جەنەڕال پۆڵ لێکامێرۆ، فەرماندەی گشتیی هێزەکانی هاوپەیمانان لە عێراق و سووریا و شاندی یاوەری، گفتوگۆ له‌باره‌ی دوایین گۆڕانكارییه‌كانی ناوچه‌كه كرا.
لەم دیدارەدا پێشهات و گۆڕانکارییەکانی ناوچەکە و پێشخستنی زیاتری میکانیزمی هەماهەنگیی نێوان هێزه پەیوەندیدارەکان و بەگژداچوونەوەی هەڕەشەی تیرۆریزم گفتوگۆیان لەسەر کرا.
لە بەرامبەردا فەرماندەی گشتیی هێزەکانی هاوپەیمانان لە عێراق و سووریا دووپاتی کردەوە، کە هاوپەیمانان لە هاوکاری و مەشق و پاڵپشتیكردنی هێزەکانی پێشمەرگە و عێراق بەردەوام دەبن، بۆ پاراستنی ناوچەکانیش، هاوبەشی و هەماهەنگیی نێوان ئەم هێزانەی بە پێویست زانی.
لە بەشێکی دیکەی ئەو دیدارەدا، پەرەسەندنەکانی رەوشی سووریا، بەتایبەتی ناوچەکانی رۆژهەڵاتی فورات، گفتوگۆی لەسەر کرا. پەیوەست بەو بابەتەش، راوێژکاری ئەنجوومەنی ئاسایشی هەرێمی کوردستان نیگەرانیی خۆی لە ئەگەر و پێشهاتەکان لەو ناوچانە دەربڕی و جەختی لە دیالۆگ و چارەسەریی سیاسییانەی رەوشەکە کردەوە و رایگەیاند، كه پێویستە لە گفتوگۆکاندا گەرەنتی ماف و ئاسایشی گەلی کورد لەو وڵاتەدا لەبەرچاو بگیردرێت.
No comments:
Post a Comment