مەسرور بارزانی پێشوازیی لە شاندێکی باڵای وەزارەتی دەرەوەی تورکیا كرد

مەسرور بارزانی، راوێژکاری ئەنجومەنی ئاسایشی هەرێمی کوردستان پێشوازیی لە سداد ئونال، جێگری وەزیری دەرەوەی تورکیا و شاندی یاوەری کرد.

لەو دیدارەدا، دوا پەرەسەندنەکانی ناوچەکە و پەیوەندییە دووقۆڵییەکان و هەوڵ و هەنگاوەکانی پێکهێنانی کابینەی نوێی حکوومەتی هەرێمی کوردستان و پرسە هاوبەشەکان، تاوتوێ کران.

مەسرور بارزانی، خواستی هەرێمی کوردستانی بۆ پەرەپێدانی پەیوەندییەکانی نێوان تورکیا و هەرێمی کوردستانی لە گشت بوارەکان دووپات کردەوە، بە شێوەیەک كه‌ لە بەرژەوەندیی هەردوولا بێت و خزمەت بە ئاشتی و سەقامگیری و دراوسێیەتیی باش بکات. 

لەلای خۆیەوە جێگری وەزیری دەرەوەی تورکیا ئاواتی سەرکەوتنی بۆ مەسرور بارزانی خواست لە سەرۆکایەتیکردنی کابینەی داهاتووی حکوومەتی هەرێمی کوردستان و ویستی حکوومەتی وڵاتەکەی بۆ پێشخستنی پەیوەندییە ئابوری و بازرگانییەکان لەگەڵ هەرێمی کوردستان، وەک دراوسێ و دەروازە بۆ ناوچەکانی دیکەی عێراق دەربڕی.

گفتوگۆکردن لەبارەی پەرەسەندن و پێشهاتەکانی ناوچەکە و رەوشی ئاسایشی ناوچە سنوورییەکان و رۆڵی کۆمپانیاکانی تورکیا لە هەرێمی کوردستان، تەوەرێکی دیکەی دیدارەکە بوون.

Masrour barzani مەسرور بارزانی و شاندێكی باڵای ھاوپەیمانی نێودەوڵەتی كۆبوونەوە

مەسرور بارزانی داوای پاڵپشتیی زیاتر بۆ هێزی پێشمەرگە دەکات

لە کۆبوونەوەیەکی لەگەڵ شاندێکی باڵای سەربازیی هاوپەیمانان، مەسرور بارزانی، راوێژکاری ئەنجومەنی ئاسایشی هەرێمی کوردستان، بەردەوامیی پاڵپشتییەکانی هاوپەیمانان بۆ هێزی پێشمەرگە بە گرنگ دەزانێت.

ئەمرۆ چوارشەممە 13/3/2019، مەسرور بارزانی، راوێژکاری ئەنجومەنی ئاسایشی هەرێمی کوردستان پێشوازیی لە شاندێکی باڵای سەربازیی هاوپەیمانان بۆ بواری چاکسازی و مەشق و راھێنانی ھێزی پێشمەرگە کرد و داوای پاڵشتیی زیاتری بۆ هێزەکانی پێشمەرگە کرد.

له‌ دیدارێكدا، وێڕای هەڵسەنگاندن بۆ دوا میکانیزم و بەڕێوەچوونی پرۆسەی چاکسازیی و رێکخستنەوەی وەزارەتی پێشمەرگە، ئەگەری سەرهەڵدانەوەی داعش و پەرەسەندنی جمۆجۆڵەکانیان تاوتوێ کرا.

لەم بارەوە، مەسرور بارزانی سوپاسی هەوڵەکانی هاوپەیمانی کرد و هیوای به‌رده‌وامیی هاوكارییەکانی خواست، به ‌تایبه‌تی له‌ بواری چاكسازی و رێكخستنه‌وه‌ی وه‌زاره‌تی پێشمه‌رگه‌دا.

هەروەها، مەسرور بارزانی، بۆ رێگەگرتن لە مەترسی و هەڕەشەکانی تیرۆریستان، هاوکاریی هەمەلایەنە و رەخساندنی زەمینەی لەباری بۆ ئاساییکردنەوە و چارەسەریی کێشە سیاسی و ئیداری و دەستوورییەکانی بە پێویست زانی .

لای خۆیانه‌وه‌، شاندی میوان، وێڕای جه‌ختكردنه‌وه‌ له هاوکاریی زیاتری هێزی پێشمەرگە بۆ بەرەوپێشبردنی پرۆسەی چاکسازی و رێکخستنەوەی وەزارەتی پێشمەرگە، پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقییەکان لە گشت ناوچەکان راگەیاند.

مه‌سرور بارزانی پێویسته‌ به‌ میكانزمێكی نوێ كێشه‌كان چاره‌سه‌ر بكه‌ین Masrour Barzani

مەسرور بارزانی و یاریده‌ده‌ری وه‌زیری ده‌ره‌وه‌ی ئه‌مەریكا ره‌وشی سیاسی و ئه‌منیی عێراقیان تاوتوێ كرد

ئەمڕۆ پێنجشەممە 7ی ئادار/ مارسی 2019، مەسرور بارزانی، راوێژکاری ئەنجومەنی ئاسایشی هەرێمی کوردستان، پێشوازیی لە دەنیس ناتالی، یاریدەدەری وەزیری دەرەوەی ئەمەریکا و بەرپرسی نووسینگەی ناکۆکییەکان و ئۆپەراسیۆنی سەقامگیری و شاندی یاوەری کرد.

لە دیدارێکدا، کە ئاندریو پیک، یاریده‌ده‌ری جێگری وه‌زیری ده‌ره‌وه‌ی ئه‌مەریكا و جۆی هود، هەڵسوڕێنەری باڵیۆزخانەی ئەمەریکا لە عێراق و ستیڤن فاگن، کۆنسوڵی گشتی ئەمەریکا لە هەولێر و ژمارەیەك راوێژکار و بەرپرس ئامادەبوون، پێشهات و پەرەسەندنە سیاسی و ئەمنییەکانی ناوچەکە و پەرەپێدانی پەیوەندییەکان و هەماهەنگیی نێوان هەرێمی کوردستان و بەغدا و ئەمریکا تاوتوێ کران.

لەو دیدارە مەسرور بارزانی تیشکی خستە سەر پەرەسەندنی جموجۆڵەکانی داعش لە چەندین پارێزگای عێراق، بۆ بەگژداچوونەوەی هەڕەشەکانی تیرۆریستانیش دووپاتی لە بایەخی پەلەکردن لە میکانیزمی هاوبەش لەنێوان هێزەکانی پێشمەرگە و هێزەکانی عێراق و هاوپەیمانان کردەوە و رایگەیاند، پێویستە بە میکانیزمێکی هاوچەرخ و سەردەمیانە، کار بۆ چارەسەرکردنی کێشە بنەڕەتییەکان و پێشکەشکردنی خزمەتگوزارییەکان و رەخساندنی هەلی کار و گەڕانەوەی ئاوارەکان بکرێت.

لەلای خۆیەوە یاریدەدەری وەزیری دەرەوەی ئەمەریکا و بەرپرسی نووسینگەی ناکۆکییەکان و ئۆپەراسیۆنی سەقامگیری، جەختی لەوە کردەوە، کە وڵاتەکەیان بۆ چارەسەرکردنی کێشەکان لە چوارچێوەی دەستوور، لە هاندانی هێز و لایەنەکانی عێراق بەردەوام دەبێت و رایگەیاند، لێکتێگەیشتن و نزیک بوونەوەی نێوان بەغدا و هەولێر بۆ کۆی کێشە و پرسە هەڵواسراوەکان یارمەتیدەرێکی باش دەبێت لە بەدیهاتنی ئەو سەقامگیری و ئاشتەواییەی بۆ عێراق دەخوازرێت.

گفتوگۆ و رێککەوتنی نێوان لایەنە سیاسییەکانی هەرێمی کوردستان بۆ پێکهێنانی کابینەی نوێی حکوومەتی هەرێمی کوردستان و رۆڵی ئەمەریکا لە ناوچەکە بە گشتی، تەوەرێکی دیکە بوو.

Masrour barzaniمەسرور بارزانی لەگەڵ وەزیری پیشەسازی و بارزگانی ئوردن لە کۆبوونەوەدایە

مەسرور بارزانی پێشوازی لە وەزیری پیشەسازی و بازرگانیی ئوردن دەکات

مەسرور بارزانی، راوێژکاری ئەنجوومەنی ئاسایشی هەرێمی کوردستان پێشوازیی لە تاریق محەمەد ئەلحموری، وەزیری پیشەسازی و بازرگانیی ئوردن  و شاندی یاوەری کرد.

لە دیدارێکدا، کە مونتەسر عوقلە، باڵیۆزی ئوردن لە عێراق و هەیسەم ئەبوفول، کونسوڵی گشتیی ئوردن لە هەولێر و ژمارەیەک بەرپرس و راوێژکار ئامادەبوون، وێڕای گفتوگۆکردنی پێشهات وپەرەسەندنەکانی ناوچەکە بەگشتی، پەرەپێدانی پەیوەندییە دووقۆڵییەکانی نێوان هەرێمی کوردستان و شانشینی ئوردن لە بوارە هەمەجۆرەکان تاوتوێ کرا. لەلای خۆیەوە، وەزیری  پیشەسازی و بازرگانیی ئوردن، ئاواتی سەرکەوتنی بۆ مەسرور بارزانی لە سەرۆکایەتیی کردنی کابینەی نوێی حکوومەتی هەرێمی کوردستان و هیوای بەرەپێشچوونی زیاتری بۆ هەرێمی کوردستان خواست.

لە بەرامبەردا مەسرور بارزانی ئاماژەی بە پەیوەندی لە مێژینەی نێوان هەردوو گەلی کوردستان و ئوردن دا و رۆڵ و پێگەی شا عەبدوڵلای دووەم، پادشای شانشینی ئوردنی بە گرنگ و پڕ بایەخ ناساند، لە کارکردن بە ئاراستەی بەردەوامیی دان بە پەیوەندییەکان و هیوای فرەوانکردنی ئەو پەیوەندییانەی خواست، بەتایبەتی لە بوارەکانی ئابووری و بازرگانی و رایگەیاند، لە هەرێمی کوردستان زەمینە و دەرفەتی وەبەرهێنان لەبارە، هاتنی کۆمپانیاکانی ئوردن بۆ بەشداریکردن لە بوژانەوە و ئاوەدانکردنەوەی هەرێمی کوردستان بە پێویست دەزانین.

هەنگاوەکانی پێکهێنانی کابینەی نوێی حکوومەتی هەرێمی کوردستان و پەرەسەندنەکانی ناوچەکە، تەوەرێکی دیکەی دیدارەکە بوون.

Masrour barzaniمەسرور بارزانی پێویستە لە چارەسەرکردنی کێشەکان دەستووری عێراق حەکەم بێت

مه‌سرور بارزانی: پێویستە گەرەنتی ماف و ئاسایشی گەلی کورد لە سووریا بكرێت

ئەمرۆ دووشەممە 25/2/2019 مەسرور بارزانی راوێژکاری ئەنجوومەنی ئاسایشی هەرێمی کوردستان له‌كاتی كۆبوونه‌وه‌ی له‌گه‌ڵ مه‌كسیم ماكسیمۆڤ باڵیۆزی رووسیا لە عێراق و شاندی یاوه‌ری، له‌باره‌ی پەرەسەندنەکانی رەوشی سوریا، بەتایبەتی ناوچەکانی رۆژهەڵاتی فورات، جەختی لە دیالۆگ و چارەسەری سیاسیانەی رەوشەکە بە بەشداری نوێنەری گشت پێکهاتەکان کردەوە و رایگەیاند: "پێویستە لە گفتوگۆکاندا گەرەنتی ماف و ئاسایشی گەلی کورد لەو وڵاتەدا بدرێت".

لەو دیدارێكدا كه‌ ڤیكتۆر سیماكۆڤ كونسوڵی گشتی رووسیا له‌ هه‌ولێر ئاماده‌ی بوو، دوا پێشهات و په‌ره‌سه‌ندنه‌ سیاسییەكانی ناوچه‌كه‌  ئاڵۆگۆڕ كرا و جەخت لە پەرەپێدانی پەیوەندییەکانی نێوان هەرێمی كوردستان و روسیا له‌ گشت بواره‌كان کرایەوە.

وێڕای روونکردنەوەی بایەخی تەواوکردنی پێکهاتەی کابینەی حکوومەتی فیدراڵ، تیشکخرایە سەر میکانیزمی چارەسەرکردنی کێشە هەڵواسراوەکانی نێوان بەغدا و هەولێر، پەیوەست بەوە مەسرور بارزانی دووپاتی لە خواستی هەرێمی کوردستان کردەوە، کە پابه‌ندبوون و جێبەجێ کردنی دەستوورە وه‌ك رێگه‌چاره‌ی به‌دیهێنانی سه‌قامگیری و رایگەیاند، پێویستە لە یەکلاییکردنەوەی پرسەکان دەستوور حەکەم بێت.

پەرەسەندن و زیادبوونی جموجۆڵەکانی داعش و مەترسی سەرهەڵدانەوەی تیرۆر بە ناو و شێوازی جیاوە بەشێکی دیکەی دیدارەکە بوو، لەمبارەوە مەسرور بارزانی رایگەیاند، پێویستە بۆ رێگەگرتن لە دووبارەبوونەوەی توندوتیژی کاری جدی بکرێت بۆ چارەسەرکردنی هۆکارەکانی سەرهەڵدانی تیرۆر، هاوکات دەبێت شەڕی هزری توندڕۆیی لە ئاستە جیاوازەکاندا دەست پێ بکرێت.

هەوڵ و هەنگاوەکانی پێکهێنانی کابینەی نوێی حکوومەتی هەرێمی کوردستان و قوڵترکردنەوەی پەیوەندییە ئابوورییەکانی نێوان هەرێمی کوردستان و رووسیا، بەشێوەیەک لە بەرژەوەندی هەردوولادا بێت، تەوەرێکی دیکەی دیدارەکە بوو.

مەسرور بارزانی و فەخری کەریم ئەرکە لەپێشینەکانی کابینەی نوێی حکوومەت تاوتوێ دەکەن Masrour Barzani

مەسرور بارزانی و فەخری کەریم ئەرکە لەپێشینەکانی کابینەی نوێی حکوومەتی هەرێمی کوردستان تاوتوێ دەکەن

ئه‌مڕۆ پێنج شەممە 21/2/2019، مه‌سرور بارزانی، راوێژكاری ئه‌نجوومه‌نی ئاسایشی هه‌رێمی كوردستان و فەخری كەریم، سەرۆکی دەزگای مەدا، باسیان لە کارە لەپێشینەکانی کابینەی نوێی حکوومەتی هەرێمی کوردستان کرد.

له‌ دیداره‌كه‌یاندا، تیشک خرایە سەر هەنگاوەکانی پەلەکردن لە پێكھێنانی كابینەی نوێی حكوومەتی ھەرێمی كوردستان، بەوپێیەی پەیوەستە بە ژیانی رۆژانەی هاووڵاتیان و گەشەسەندنی پرۆسەی دیموکراتیی کوردستانەوە.

جەختیش لەسەر یەكخستنی توانا و ھەڵوێستی لایەنە سیاسییەكانی كوردستان لە پەڕینەوە بەرەو قۆناغی نوێ کرایەوە، كە ئەركی لەپێشینەی كابینەی نوێی حکوومەتی ھەرێمی کوردستان، ئەنجامدانی ریفۆرم و رێکخستنەوەی دامەزراوەکانە، بە شێوەیەک كه‌ بتوانێ کاراتر خزمەتگوزاریی و پێداویستییە بنەڕەتییەکان پێشکەش بە هاووڵاتیانی بکات.

مەسرور بارزانی و فەخری کەریم ئەرکە لەپێشینەکانی کابینەی نوێی حکوومەت تاوتوێ دەکەن Masrour Barzani

مەسرور بارزانی و فەخری کەریم ئەرکە لەپێشینەکانی کابینەی نوێی حکوومەتی هەرێمی کوردستان تاوتوێ دەکەن

ئه‌مڕۆ پێنج شەممە 21/2/2019، مه‌سرور بارزانی، راوێژكاری ئه‌نجوومه‌نی ئاسایشی هه‌رێمی كوردستان و فەخری كەریم، سەرۆکی دەزگای مەدا، باسیان لە کارە لەپێشینەکانی کابینەی نوێی حکوومەتی هەرێمی کوردستان کرد.

له‌ دیداره‌كه‌یاندا، تیشک خرایە سەر هەنگاوەکانی پەلەکردن لە پێكھێنانی كابینەی نوێی حكوومەتی ھەرێمی كوردستان، بەوپێیەی پەیوەستە بە ژیانی رۆژانەی هاووڵاتیان و گەشەسەندنی پرۆسەی دیموکراتیی کوردستانەوە.

جەختیش لەسەر یەكخستنی توانا و ھەڵوێستی لایەنە سیاسییەكانی كوردستان لە پەڕینەوە بەرەو قۆناغی نوێ کرایەوە، كە ئەركی لەپێشینەی كابینەی نوێی حکوومەتی ھەرێمی کوردستان، ئەنجامدانی ریفۆرم و رێکخستنەوەی دامەزراوەکانە، بە شێوەیەک كه‌ بتوانێ کاراتر خزمەتگوزاریی و پێداویستییە بنەڕەتییەکان پێشکەش بە هاووڵاتیانی بکات.

مه‌سرور بارزانی پەرەپێدانی پەیوەندییەکان له‌گه‌ڵ باڵیۆزی ئێران لە عێراق تاوتوێ کرد Masrour Barzani

مه‌سرور بارزانی پەرەپێدانی پەیوەندییەکان له‌گه‌ڵ باڵیۆزی ئێران لە عێراق تاوتوێ ده‌كات

ئەمڕۆ چوارشەممە ٢٠-٢-٢٠١٩ له‌ دیدیارێكی نێوان مه‌سرور بارزانی، راوێژکاری ئەنجومەنی ئاسایشی هەرێمی کوردستان و ئیرەج مەسجدی باڵیۆزی ئێران لە عێراق، په‌یوه‌ندییه‌كانی نێوان هه‌رێمی كوردستان و كۆماری ئیسلامی تاوتوێ كران.

لە کۆبوونەوەکەدا، وێڕای تیشک خستە سەر پەیوەندی لە مێژینەی نێوان هەردوو گەلی کوردستان و گەلانی کۆماری ئیسلامی ئێران و ئاڵوگۆڕكردنی مامەڵەی بازرگانی نێوان هەرێمی کوردستان و کۆماری ئیسلامی ئێران، ئاماژە بە دوا هەنگاوەکانی هەڵبژاردن و لای خۆیەوە باڵیۆزی ئێران لە عێراق، تیشکی خستە سەر میکانیزمی پەرەپێدانی پەیوەندییەکان لەگەڵ عێراق و هەرێمی کوردستان و دووپاتی لە پشتیوانی وڵاتەکەی بۆ هەرێمی کوردستان کردەوە و رایگەیاند، "لە داهاتوودا ئەو پەیوەندییانە بەهێزتر دەکەین و سەقامگیری کوردستان بۆ ئـێمە گرینگە".

پەرەسەندنی رەوشی ناوچەکە بەگشتی و ئاساییکردنەوە و ئاوەدانکردنەوەی رەوشی ناوچە ئاڵۆزەکانی عێراق، تەوەرێکی دیکەی کۆبوونەوەکە بوو.