Masrour barzani مەسروور بارزانی لە میونشن لەگەڵ محەممەد جەواد زەریف وەزیری دەرەوەی ئێران کۆبووەوە
وەزیری دەرەوەی ئێران بە کابینەی داهاتووی حکوومەتی هەرێمی کوردستان گەشبینە
مەسرور بارزانی، راوێژکاری ئەنجوومەنی ئاسایشی هەرێمی کوردستان و محەمەد جەواد زەریف، وەزیری دەرەوەی ئێران کۆبوونەوە.
لە دووەم رۆژی کۆبوونەوەکانی لە کۆنفرانسی ئاسایشی میونشن، مەسرور و بارزانی و جەواد زەریف دیدارێکییان ئەنجامدا و تیایدا چەند پرسێکییان تاوتوێکرد.
دوای کۆبوونەوەی لەگەڵ مەسرور بارزانی، محەمەد جەواد زەریف رایگەیاند: "کۆبوونەوەیەکی زۆر باشمان هەبوو".
راشیگەیاند: "باسمان لە پەیوەندییەکانمان لەگەڵ عێراق و هەرێمی کوردستان کرد و هەروەها باسیشمان لە پێکهێنانی حکوومەتی داهاتووی هەرێمی کوردستان کرد".
لەبارەی پەیوەندی کۆماری ئسلامی ئێران لەگەڵ هەرێمی کوردستان، زەریف گووتی: "دەمانەوێ پەیوەندی زۆر پتەومان هەبێت بە تایبەت لە رووی ئابوورییەوە و لە داهاتووشدا، ئەو پەیوەندییانە بەهێزتر دەکەین".
لای خۆیەوە مەسرور بارزانی، لە تۆڕی کۆمەڵایەتی تویتەر لەبارەی کۆبوونەوەی لەگەڵ محەمەد جەواد زەریف دەڵێت: "باسمان لە کابینەی نوێی حکوومەت هەرێمی کوردستان و گەشەسەندنەکانی عێراق و سووریا و ناوچەکە کرد".
هەر ئەمڕۆ، مەسرور بارزانی لەگەڵ بەشێک لە پەرلەمانتارانی ئەڵمانیا و نێردەی نەتەوە یەکگرتووەکان بۆ کاروباری سووریا کۆبووەوە.
هه‌ر له په‌راوێزی كۆنگره‌كه، دوێنی هەینی 15ی شوبات/ فێبرایه‌ری 2019، مه‌سرور بارزانی له‌گه‌ڵ هه‌ریه‌ك له سێرگی لاڤرۆف، وه‌زیری ده‌ره‌وه‌ی رووسیا، فالح فه‌یاز، راوێژكاری ئاسایشی نیشتمانیی عێراق و ژماره‌یه‌ك په‌رله‌مانتاری ئه‌ڵمانیا له فراكسیۆنه جیاوازه‌كان كۆبووه‌وه.
