Masrour barzaniمەسرور بارزانی پێویستە کریستیانەکان کوردستان بە وڵاتی خۆیان بزانن

مەسروور بارزانی: لە نیگەرانییەکانی پێکهاتەی کریستیان لە ناوچەكانی دیكەی عێراق تێدەگەین

مەسروور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە پاتریاكی ئەنتاكیا و تەواوی رۆژهەڵات و سەرۆكی كەنیسەی سریانی ئەرتۆدۆكس لە جیهان و شاندێكی یاوەری كرد و لە دیدارێكدا رایگەیاند: "لە نیگەرانییەکانی پێکهاتەی کریستیان لە ناوچەکانی دیکەی عێراق تێدەگەین، لەم روانگەیەوە ئێمە لە یارمەتی و پشتیوانییەکانمان بۆ كریستیانەكان بەردەوام دەبین".

ئەمڕۆ 27/1/2019 مەسروور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە قەداسەتی پاتریاك مار ئەگناتیۆس ئەفرامی دووەم، پاتریاكی ئەنتاكیا و تەواوی رۆژهەڵات و سەرۆكی كەنیسەی سریانی ئەرتۆدۆكس لە جیهان و شاندێكی یاوەری كرد، كە لە ژمارەیەك مەترانی كەنیسەی تاییفەی سریانی ئەرتۆدۆكس لە هه‌رێمی كوردستان و عێراق و پارێزگای نەینەوا پێكهاتبوو.

لە دیدارەكەدا شاندی میوان سوپاس و پێزانینیان بۆ سەرکردایەتی سیاسی و حكوومەتی هەرێمی کوردستان هەبوو لەبەرامبەر پێشوازیکردن و حەواندنەوە و داڵدەدانی كریستیانەكان لە هەرێمی كوردستان له‌ كاته‌ سه‌خته‌كاندا.

هەر لەو دیدارەدا ئاماژە بە پەیوەندیی مێژوویی نێوان كریستیانەكان و گەلی کورد درا و جەخت لە پێكەوەژیانی ئاشتیانە و چارەنووس و ئاییندەی هاوبەشی تێکڕای پێکهاتەکانی گەلی كوردستان كرایەوە، لەوبارەوە مەسروور بارزانی روونیکردەوە، کە گەلی کورد شانازی بە پەیوەندییە مێژووییەکان و پێکەوەژیانی ئاشتیانەی نێوان پێکھاتەکانی کوردستان دەکات، وەک خاڵێکی بەهێز لێی دەڕوانێت و رایگەیاند، لە نیگەرانییەکانی پێکهاتەی کریستیان لە ناوچەکانی دیکەی عێراق دەگەین، لەم روانگەیەوە ئێمە لە یارمەتی و پشتیوانییەکانمان بەردەوام دەبین.

هەروەها راوێژکاری ئەنجوومەنی ئاسایشی هەرێمی کوردستان دڵنیایی دایە شاندی میوان، کە کریستیانەکان بە بەشێك لە گەلی کوردستان دەزانن و رایگەیاند، لەژێر هیچ بارودۆخێکدا دەستبەرداری ئەو پەیوەندییە مێژوویی و پرەنسیپانە نابین، کە لە باوەری قوڵمانەوە بە رێزگرتن لە جیاوازیی نەتەوەیی و بیروباوەڕی ئایینیەوە سەرچاوەی گرتووە و گوتی: "پێویستە هەمووان ئەم وڵاتە بە وڵاتی خۆیان بزانن و ناکرێت پەنا بۆ جێهێشتنی وڵاتەکەیان ببەن".

لەبەرامبەردا پاتریاك مار ئەگناتیۆس پاراستن و داڵدەدانی کریستیانەکانی لەلایەن خەڵک و حکوومەتی هەرێمی کوردستان بەرزنرخاند و تیشکی خستە سەر نیگەرانیی کریستیانەکان لە ناوچەکەدا، کە لەلایەن هەندێ گروپی چەکدارەوە ناچار بەوە دەکرێن ماڵ و حاڵی خۆیان جێبهێڵن.

لە کۆتاییدا نزای سەقامگیری و پێشکەوتنی زیاتری بۆ هەرێمی کوردستان و گەلەکەی خواست و داواشی لە کۆمەڵگەی نێودەوڵەتی کرد، ئەگەر دەخوازن یارمەتیدەر بن، پێویستە لە زێدی خۆیانەوە ئەوەیان بۆ بکەن و لەچارەسەرکردنی رەوشەکە هاوکاریان بن.

مەسرور بارزانی و وەزیری دەوڵەتی بەریتانیا بۆ کاروباری رۆژهەڵاتی ناوەڕاست کۆبوونەوە

مەسرور بارزانی و وەزیری دەوڵەتی بەریتانیا بۆ کاروباری رۆژهەڵاتی ناوەڕاست کۆبوونەوە   

مه‌سرور بارزانی په‌سه‌ندكردنی بودجه‌ی گشتی عێراق به‌ هه‌نگاوێكی گرنگ ده‌زانێت

ئەمڕۆ ٢٦/١/٢٠١٩ مەسرور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە ئەلێستەر بێرت وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکوری ئەفریقیا و شاندی یاوەری کرد.

لە دیدارێکدا، کە هەریەک لە باڵیۆزی بەریتانیا لە عێراق، کونسوڵی گشتی بەریتانیا لە هەولێر و نوێنەری حکوومەتی هەرێمی کوردستان لە بەریتانیا ئامادە بوون، پەرەسەندن و پێشهاتەکانی ناوچەکە و پەیوەندی دوو قۆڵی نێوان هەرێمی کوردستان و بەریتانیا تاوتوێ کرا.

لەو دیدارەدا تایبەت بە بەرەوپێشچوونی پەیوەندییەکانی نێوان بەغدا و هەولێر، مەسرور بارزانی پەسەندکردنی بودجەی گشتیی بە هەنگاوێکی ئەرێنی وەسفکرد، بەو پێیەی دەبێتە هاندەر بۆ چارەسەرکردنی پرسە هەڵواسراوەکان، بە پێویسیشی یزانێ، بەریتانیا رۆڵی خۆی لە زیاتر لێکنزیککردنەوە و چارەسەرکردنی کێشەکانی نێوان هەردوولادا ببینێت.

لەلای خۆیەوە وەزیری دەوڵەتی حکوومەتی بەریتانیا بۆ کاروباری رۆژهەڵاتی ناوەڕاست و باکووری ئەفریقیا باسی لەوە کرد، بەریتانیا لە پەرەپێدان و پتەوکردنی پەیوەندییە دووقۆڵییەکان بەردەوام دەبێت و رایگەیاند، وڵاتەکەی پشتگیری زیاتر لە هەماهەنگی نێوان هێزەکانی پێشمەرگە و سوپای عێراق لە ناوچەکانی تایبەت بە مادەی ١٤٠ دەکات، بۆئەوەی دەرفەت نەدرێتە سەرهەڵدانەوەی داعش و زەمینەی رێککەوتنی سیاسی لەسەر بنەمای دەستوور بۆ چارەسەری کێشەکانی ئەو ناوچانە بێتەدی.

Masrour barzani مەسرور بارزانی و شاندێکی باڵای هاوپەیمانی نێوده‌وڵه‌تی كۆبوونه‌وه

هاوپەیمانان لە چاکسازیی و هاوکاریی و راهێنانی هێزه‌كانی پێشمەرگە بەردەوام دەبن

ئەمرۆ دووشەممە 21/1/2019 مەسروور بارزانی راوێژکاری ئەنجوومەنی ئاسایشی هەرێمی کوردستان له‌گه‌ڵ جەنەڕال ئۆستن ڕێنفورت، بەرپرسی ژووری ئۆپەراسیۆنی هاوپەیمانان لە بەغدا و شاندی یاوەری، دوا پەرەسەندنەکانی ناوچەکە و پێشخستنی زیاتری میکانیزمی هەماهەنگی نێوان هێزه‌ پەیوەندیدارەکان و روبه‌ڕوبوونه‌وه‌ی هەڕەشەی تیرۆریزمی داعش تاوتوێ ده‌كه‌ن.

له‌ دیداره‌كه‌دا مەسروور بارزانی، وێڕای جه‌ختكردنه‌وه‌ له هاوکاریی زیاتری هێزی پێشمەرگە بۆ رێگریكردن له‌ جموجۆڵ و روبه‌ڕوبوونه‌وه‌ی هه‌ڕه‌شه‌كانی تیرۆریستان  لە ناوچەکانی دەرەوەی ئیدارەی حکوومەتی هەرێمی کوردستان، بە پێویستیزانی بە هاوکاریی هەمە لایەنە هەرچی زووتر زەمینەی لەبار بۆ ئاسایی کردنەوەی دۆخەکە برەخسێت و بە چارەسەریی کێشە سیاسی و ئیداری و دەستوریەکان، هۆکارەکانی سەرهەڵدانەوەی توندوتیژی بنبڕبکرێن".

لای خۆیانه‌وه‌ شاندی باڵای هاوپەیمانان پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقیەکان دووبارە کردەوە و رایانگەیاند: "خوازیارن ئەو هەماهەنگیانە لە گشت ناوچەکان پەرەیان پێ بدرێت. هێزەکانی هاوپەیمانانیش لە چاکسازی و هاوکاریی و راهێنان بە هێزی پێشمەرگە بەردەوام دەبن".

Masrour barzani مەسرور بارزانی و وەزیری دەرەوەی ئێران پرسە هاوبەشەکان تاوتوێ دەکەن

مەسروور بارزانی و وەزیری دەرەوەی ئێران كۆبوونەوە

ئەمڕۆ سێشەممە 15/1/2019 مەسروور بارزانی راوێژکاری ئەنجوومەنی ئاسایشی هەرێمی کوردستان پێشوازی لە محمەد جەواد زەریف، وەزیری دەرەوەی ئێران و شاندی یاوەری کرد.

لە دیدارێکدا دوا پەرەسەندن و رەوشی ناوچەکە و پەرەپێدانی پەیوەندییەکانی نێوان هەرێمی کوردستان و کۆماری ئیسلامی ئێران گفتوگۆی لەسەر کرا.

 مەسروور بارزانی، وێڕای بەخێرهێنانی وەزیری دەرەوەی ئێران، تیشکی خستە سەر پەیوەندی لە مێژینەی نێوان هەردوو گەلی کوردستان و گەلانی کۆماری ئیسلامی ئێران و ئاماژەی بە دراوسێیەتی باش و بەرژەوەندییە هاوبەشەکان دا،لە سەر بنەمای رێز و ھاوسەنگی دوولایەنە.

هەر لەم دیدارەدا هەڕەشەکانی تیرۆریستان و پەرەسەندنی پەیوەندییەکانی نێوان بەغدا و هەولێر و  پرسە هاوبەشەکان و پێشهاتەکانی ناوچەکە تاوتوێکرا.

لەلای خۆیەوە وەزیری دەرەوەی ئێران هیوای سەرکەوتنی بۆ مەسروور بارزانی خواست لە سەرۆکایەتی کردنی کابینەی نوێی حکوومەتی هەرێمی کوردستان و باسی لە بایەخی پەرەپێدان بە میکانیزمی پەیوەندییەکان، بەتایبەتی لە بواری پەیوەندییە ئابورییەکان لە چوارچێوەی پەیوەندییە ئابووریەکانی ئێران و عێراق کرد و رایگەیاند،  سەقامگیری و ئاسایشی هەرێمی کوردستان و عێراق بۆ ئێران گرینگە و لەو پێناوەدا ئامادەی پەرەپێدانی ھەموو ھاوکارییەکانن.

Masrour barzani مەسروور بارزانی لەگەڵ وەزیری دەرەوەی فەرەنسا کۆبووەوە

Masrour barzani مەسروور بارزانی لەگەڵ وەزیری دەرەوەی فەرەنسا کۆبووەوە  

سه‌رله‌به‌یانی ئه‌مڕۆ سێشه‌ممه‌ 15/1/2019، مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان و ژان ئیڤ لۆدریان، وه‌زیری ده‌ره‌وه‌ی فه‌ڕه‌نسا كۆبوونه‌وه‌

لەم دیدارەدا دوا پێشهات و گۆڕانکارییەکانی عێراق و هەرێمی کوردستان و ناوچەکە تاوتوێکران و دووپات لە پەرەپێدانی پەیوەندیی دۆستانە و مێژوویی نێوان هەردوو گەلی فەرەنسا و كوردستان لە بوارە جیاجیاکان كرایەوە.

لەسەرەتای دیدارەکەدا مەسرور بارزانی  سوپاسی گەل و حكومەتی فەرەنسا و هه‌وڵه‌كانى سەرۆک ئیمانوێل ماكرۆنی کرد لە پشتیوانی و یارمەتیدانی هەرێمی کوردستان، بەوەی فەرەنسا لە گشت قۆناغەکاندا  هاوكار و پشتیوانێکی گەورەی خەباتی گەلی كوردستان بووە.

راوێژکاری ئەنجوومەنی ئاسایشی هەرێمی کوردستان پەیوەست بە پرۆسەی سیاسی لە عێراق تیشکی خستە سەر  پێشڤەچوونەکانی نێوان ھەرێمی کوردستان  و بەغدا و  ئاماژەی بەوەدا کە بە رەچاوکردنی دەستوری عێراق ھەوڵ بۆ نەھێشتنی کێشەکان دەدرێت.

هەر لەو دیدارەدا لەبارەی ئەگەر و هەلومەرجەکانی بارودۆخی سوریا جەخت لە گرینگی هێورکردنەوەی گرژییەکان و چارەسەری سیاسیانەی کێشەکانی ئەو وڵاتە بە شێوەیەک کرایەوە، کە ویست و مافی هەموو پێکهاتەکان لەخۆبگرێت.

لەلای خۆیەوە ژان ئیف لۆدریان، وەزیری دەرەوەی فەرەنسا ھیوای سەرکەوتنی بۆ مەسرور بارزانی لە سەرۆکایەتی کردنی کابینەی داهاتووی حکوومەتی هەرێمی کوردستان خواست و تیشکی خستە سەر شێوازی فراوانکردنی پەیوەندییەکانی نێوان هەردوولا و رایگەیاند، پەیوەندی نێوان وڵاتەکەی و هەرێمی کوردستان مێژوویی و گرینگن . هەروەها خۆشحاڵیی خۆی بە قۆناغی نوێی پەیوەندیی نێوان هەولێر و بەغدا نیشاندا، دووپاتی کردەوە، کە وڵاتەکەی لە پشتیوانی و هاوکاری هەرێمی کوردستان و پێشمەرگە  بەردەوام دەبێت.

مه‌سرور بارزانى و مايك پۆمپيۆ كۆبوونه‌وه‌ Masrour Barzani

مه‌سرور بارزانى، راوێژكارى ئه‌نجوومه‌نى ئاسايشى هه‌رێمى كوردستان، له‌گه‌ڵ وه‌زيرى ده‌ره‌وه‌ى ئه‌مه‌ريكا، مايك پۆمپيۆ له‌ هه‌ولێر كۆبوه‌وه‌.

مايك پۆمپيۆ، ئه‌مڕۆ دواى ئه‌وه‌ى به‌غداى به‌جێهێشت روويكرده‌ شارى هه‌ولێرى پايته‌خت و له‌گه‌ڵ مه‌سرور بارزانى راوێژكارى ئه‌نجوومه‌نى ئاسايشى هه‌رێمى كوردستان كۆبووه‌وه‌.

سه‌ر له‌ به‌يانى ئه‌مڕۆ مایك پۆمپیۆ، وه‌زیری ده‌ره‌وه‌ی ئه‌مه‌ریكا به‌ سه‌ردانێك گه‌يشته‌ به‌غدا.

مایك پۆمپیۆ، وه‌زیری ده‌ره‌وه‌ی ئه‌مه‌ریكا، پێشتر رایگه‌یاندبوو، له‌ گه‌شته‌كه‌یدا بۆ وڵاتانی رۆژهه‌ڵاتی ناوه‌ڕاست، سه‌ردانی 8 وڵات ده‌كات، ئه‌وانیش ئه‌رده‌ن، میسر، به‌حره‌ین، قه‌ته‌ر، ئیمارات، سعوودیه‌، كوه‌یت و عه‌ممانن.

به‌ گوێره‌ی راگه‌یه‌ندراوه‌كانی پێشووی وه‌زاره‌تی ده‌ره‌وه‌ی ئه‌مه‌ریكا، سه‌ردانیكردنی عێراق له‌ كارنامه‌كه‌ی پۆمپیۆدا نه‌بووه‌ و به‌ نهێنی هاتووه‌ته‌ عێراق.

مه‌سرور بارزانی له‌گه‌ڵ نوێنه‌ری نه‌ته‌وه‌ یه‌كگرتووه‌كان له‌ عێراق كۆبوویه‌وه‌ Masrour Barzani

ئەمڕۆ پێنجشەممە 27/12/2018 مەسرور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە جینین هینیس پلاسخارت، نوێنەری نەتەوە یەکگرتووەکان لە عێراق و شاندی یاوەری کرد .

لە میانی دیدارەکەدا، مەسرور بارزانی پیرۆزبایی لە نوێنەری نوێی نەتەوە یەکگرتووەکان لە عێراق بەبۆنەی دەستبەکاربوونی کرد و پشتگیری هەرێمی کوردستانیشی بۆ دووپاتکردەوە.

لای خۆیەوە جینین هینیس پلاسخارت، وێڕای سوپاسگوزاریی، هیوای سەرکەوتنی بۆ مەسرور بارزانی لە کابینەی داهاتووی حکومەتی هەرێم خواست.

هەر لە دیدارەکە، هەردوولا کۆکبوون لەسەر هەرچی زووتر چارەسەرکردنی کێشەکانی عێراق بە گوێرەی دەستوور و پەلەکردن لە پێکهێنانی حکومەتی داهاتووی عێراق.

لەبەشێکی دیکەی ئەم دیدارەدا پرۆسەی یارمەتیدان و گەڕانەوەی ئاوارەکان و دووبارە ئاوەدانکردنەوەی ناوچە ئازادکراوەکانی دەستی داعش تاوتوێکرا، پەیوەست بەو پرسە نوێنەری تایبەتی نەتەوە یەکگرتووەکان لە عێراق جەختی لەوە کردەوە، وێڕای ئەوەی نەتەوە یەکگرتووەکان لە ئەرکە مرۆییەکانی بەردەوام دەبێت، بە هاوکاری هێز و لایەنەکان تواناکانی خۆی دەخاتەگەڕ بۆ لێک نزیککردنەوەی نوێنەرانی پێکهاتە و تایفەکان بە ئامانجی دۆزینەوەی چارەسەری کێشەکان.

هەوڵەکانی تەواوکردنی کابینەی نوێی حکوومەتی عێراق و پێکهێنانی حکوومەتی هەرێمی کوردستان و پەرەسەندنی پەیوەندییەکانی نێوان بەغدا و هەولێر بە ئاراستەی دەستپێکردنی قۆناغێکی نوێ تەوەرێکی دیکەی دیدارەکە بوو.

پلاسخارت، له‌ دایكبووی ساڵی 1972یه‌ و یه‌كه‌م ژنه‌ له‌سه‌ر ئاستی هۆڵه‌ندا، پۆستی وه‌زیری به‌رگری وه‌ربگرێت و له‌ ماوه‌ی ساڵانی 2012 تا 2017 له‌و پۆسته‌دا بووه‌، له‌و ماوه‌یه‌شدا سه‌رپه‌رشتی ده‌سته‌ی ئه‌ركانی ناوه‌ندی، فه‌رمانده‌ی پشتیوانی، ده‌سته‌ی به‌رگری، هه‌ر چوار هێزه‌ چه‌كداره‌ شاهانه‌كانی له‌ سوپا و  ده‌ریایی، هێزه‌ ئاسمانییه‌كان، پۆلیسی سه‌ربازی و پاسه‌وانی سنوور كردووه‌.

له‌گه‌ڵ ئه‌وه‌شدا ئه‌ركی سه‌رپه‌رشتیكردنی پرۆسه‌ سه‌ربازییه‌كانی وڵاته‌كه‌ی له‌ وڵاتانی مالی، ئه‌فغانستان و عێراق له‌ ئه‌ستۆ بووه‌، كه‌ به‌ هه‌ماهه‌نگی له‌گه‌ڵ یه‌كێتی ئه‌وروپا و هاوپه‌یمانی باكووری ئه‌تڵه‌سی (ناتۆ) بووه‌.

نێرده‌ی تایبه‌تی رێكخراوی نه‌ته‌وه‌ یه‌كگرتووه‌كان (یونامی) له‌ ساڵی 2003 به‌ بڕیاری ژماره‌ 1500، له‌سه‌ر داوای حكوومه‌تی عێراق پێكهێنرا و له‌ ساڵی 2007یش ئه‌ركه‌كانی فراوانتر كران.

ئه‌ركی یونامی له‌ عێراق، پێشكه‌شكردنی راوێژه‌ به‌ حكوومه‌ت، به‌تایبه‌تیش له‌و پرسانه‌ی تایبه‌ت به‌ گفتوگۆی سیاسی و ئاشته‌وایی نێوان لایه‌نه‌كان و هاوكاریكردن له‌ كاتی هه‌ڵبژاردن، له‌گه‌ڵ ئاسانكاری په‌یوه‌ندییه‌كان له‌گه‌ڵ دراوسێكانی عێراق.