مەسرور بارزانی: كاتێك له وڵاتێكدا هاووڵاتیان له‌سه‌ر ناو و ناسنامه بكوژرێن، به یه‌كگرتوو مانه‌وه‌ی وڵات هیچ مانایه‌كی نییه
ئه‌مڕۆ 5/6/2016 مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازیكرد له فره‌نسیس فیلۆن سه‌رۆك وه‌زیرانی پێشووی فه‌ڕه‌نسا و شاندێكی یاوه‌ری، كه له ژماره‌یه‌ك سێناتۆر و په‌رله‌مانتار و تیمێكی رۆژنامه‌وانی پێكهاتبوو، گفتوگۆ له‌باره‌ی شه‌ڕی داعش و چاره‌سه‌ركردنی كێشهكانی ناوچه‌كه به گشتی كرا.
له دیدارێكدا، كه(ئالن گۆپێرتێ) كونسوڵی گشتی فه‌ڕه‌نسا له هه‌ولێر ئاماده‌یبوو، فره‌نسیس فیلۆن باسی له سه‌ردانیكردنی شانده‌كه بۆ به‌ره‌كانی جه‌نگی كرد به مه‌به‌ستی له نزیكه‌وه ئاگادار بوون له بارودۆخی مه‌یدانی و رایگه‌یاند، فه‌ڕه‌نسا له پشتیوانی و هاوكاریكردنی زیاتری هه‌رێمی كوردستان به‌رده‌وام ده‌بێت.
پاشان مه‌سرور بارزانی باسی له بارودۆخی مه‌یدانی به‌ره‌كانی جه‌نگ و چۆنیه‌تی چاره‌سه‌ركردنی كێشهكانی ناوچه‌كه كرد و رایگه‌یاند، كاتێك له وڵاتێكدا هاووڵاتیان له‌سه‌ر ناو و ناسنامه‌دا بكوژرێن، به یه‌كگرتوو مانه‌وه‌ی وڵات هیچ مانایه‌كی نییه. هه‌ر له‌م سۆنگه‌یه‌وه باسی له پرۆسه‌ی ریفراندۆمی كوردستان كرد بۆئه‌وه‌ی خه‌ڵك خۆیان بڕیار له چاره‌نووسی خۆیان بده‌ن.
هه‌ر له‌و دیداره‌دا شاندی فه‌ڕه‌نسا، وێڕای ستایشكردنی هه‌رێمی كوردستان له حه‌وانه‌ی ئه‌و ژماره زۆره‌ی ئاواره و لێقه‌ماوانی رووداوه‌كان له ناوچه‌كانی عێراق، ئاماژه‌یان به‌وه‌دا، كه وه‌ك ئه‌وڕووپیه‌كان له‌ڕووی مێژووییه به‌رامبه‌ر كورد و كوردستان هه‌ست به تاوان ده‌كه‌ن و ئاواته‌خوازن له داهاتوویه‌كی نزیكدا قه‌ره‌بۆی ئه‌و
چه‌وتییه مێژووییانه بكرێته‌وه.
No comments:
Post a Comment