ئەمەریکا پشتگیریی لە هەرێمی کوردستانێکی بەهێز و یەکگرتوو دەکات

مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە جەنەرال پاول فانک و شاندی یاوەری، کە پێکهاتەیەکی دیپلوماسی و سەربازی بوو کرد.

لەم دیدارەدا دوا رەوشی ناوچەکە و پەیوەندییەکانی ئەمەریکا و هەرێمی کوردستان لە بواری جیاجیادا تاوتوێ کران.

لە میانەی دانیشتنەکەدا شاندی ئەمەریکی دووپاتیان کردەوە کە وەک کیانێکی دەستووری پشتگیری لە هەرێمی کوردستانێکی بەهێز و یەکگرتوو دەکەن و خوازیارن پەیوەندییەکانیان لە گەل هەرێمی فراوانتر و بەهیزتر ببێت.

لە بارەی مەترسییەکانی سەرهەڵدانەوەی کردەوە تیرۆریستیەکان، شاندی ئەمەریکی پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقیەکان دووبارە کردەوە و رایانگەیاند کە خوازیارن ئەو هەماهەنگیانە لە گشت ناوچەکان پەرەیان پێ بدرێت.

لە بەرامبەردا مەسرور بارزانی جەختی لە سەر پێویستیی  هاوکاریی هەمە لایەنە کردەوە تاکو هەرچی زووتر زەمینەی لەبار بۆ ئاسایی کردنەوەی دۆخەکە برەخسێت و بە چارەسەریی کێشە سیاسی و ئیداری و دەستوریەکان هۆکارەکانی سەرهەڵدانەوەی توندوتیژی بنبڕبکرێن. 

مەسرور بارزانی دەبێت پرۆسەی سیاسی عێراق بگەڕێتەوە سەر رێگە دروستەکەی

مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان رایگه‌یاند، هه‌رێمی كوردستان له‌سه‌ر بنه‌مای به‌رنامه و ره‌چاوكردنی مافه‌ ده‌ستوورییه‌كان مامه‌ڵه‌ له‌گه‌ڵ حكوومه‌تی ئاینده‌ ده‌كات نه‌ك كه‌سایه‌تیه‌كان.

لێدوانه‌كه‌ی راوێژكاری ئه‌نجوومه‌نی ئاسایشی هه‌رێمی كوردستان، له‌ میانی پێشوازیكردنی له‌ جوانه‌‌ لاونس باڵیۆزی نوێی ئوسترالیا له‌ عێراق هات و راشیگه‌یاند، پێویسته‌ رێز له‌ داخوازی و مافی گشت پێكهاته‌كانی عێراق بگیردرێت و دووپاتی له‌ گرینگی جێبه‌جێكردنی ده‌ستوور و هاوبه‌شی راسته‌قینه‌ له‌ بڕیار و به‌ڕێوه‌بردنی وڵات‌ كرده‌وه‌.

له‌ دیداره‌كه‌دا، راوێژكاری ئه‌نجوومه‌نی ئاسایشی هه‌رێمی كوردستان هیوای سه‌ركه‌وتنی بۆ جوانه‌ لاونس له‌ پۆسته‌ نوێكه‌یدا خواست و پێزانینی خۆی نیشاندا بۆ ئه‌و پاڵپشتی و هاوكاریانه‌ی ئوسترالیا له‌چوارچێوه‌ی هاوپه‌یمانی نێوده‌وڵه‌تی دژ به‌داعشدا پێشكه‌شی كردووه‌.

سه‌باره‌ت به‌ ‌ پرۆسه‌ی سیاسی و میكانیزم و ئاسته‌نگه‌كانی هه‌ڵبژاردنی گشتی له‌ عێراق، مه‌سروور بارزانی جه‌ختی له‌ گه‌ڕاندنه‌وه‌ی پرۆسه‌ی سیاسی له‌ عێراق بۆ سه‌ر رێگه‌ی دروست كرده‌وه‌ و رایگه‌یاند، پێویسته‌ رێز له‌ داخوازی و مافی گشت پێكهاته‌كانی عێراق بگیردرێت و دووپاتی له‌ گرینگی جێبه‌جێكردنی ده‌ستوور و هاوبه‌شی راسته‌قینه‌ له‌ بڕیار و به‌ڕێوه‌بردنی وڵات‌ كرده‌وه‌ و ئاماژه‌ی به‌وه‌دا، كه‌ هه‌رێمی كوردستان له‌سه‌ر بنه‌مای به‌رنامه و ره‌چاوكردنی مافه‌ ده‌ستوورییه‌كان مامه‌ڵه‌ له‌گه‌ڵ حكوومه‌تی ئاینده‌ ده‌كات نه‌ك كه‌سایه‌تیه‌كان.

له‌لای خۆیه‌وه‌ باڵیۆزی نوێی ئوسترالیا باسی له‌وه‌ كرد، كه‌ وڵاته‌كه‌ی به‌ گرینگیه‌وه‌ ده‌ڕوانێته‌ رۆڵی هه‌رێمی كوردستان و پشتگیری له‌ فره‌وانتركردنی په‌یوه‌ندییه‌كان له‌ بواره‌ جیاجیاكان ده‌كات.

مەسرور بارزانی: پێویستە هاوکاریی زیاتری پێشمەرگە بکرێت

مه‌سرور بارزانی، راوێژکاری ئەنجوومەنی ئاسایشی هەرێمی کوردستان بە پێویستیی ده‌زانێت پاڵپشتیی و هاوکاریی زیاتری هێزی پێشمەرگەی كوردستان وەک هێزێکی دەستووریی و کارای مەیدانیی ناوچەکە بكرێت.

له‌ میانی كۆبوونه‌وه‌یدا له‌گه‌ڵ، جەنەراڵ وۆلتر پایێت  فەرماندەی گشتیی هێزی هاوپەیمانان لە عێراق و شاندی یاوەر، كه‌ ئه‌مڕۆ پێنجشه‌ممه‌ 19/4/2018 به‌ڕێوه‌چوو، راوێژكاری ئه‌نجوومه‌نی ئاسایشی هه‌رێمی كوردستان، فراوانبوونی چالاکیی تیرۆریستانی لە هەندێ ناوچەی سووریا و عێراق و ناوچە کوردستانیەکانی دەرەوەی ئیدارەی هەرێم بە زەنگێکی مەترسی زانی و ئاماژەی بە ئەوەكرد، پێویستە دۆسیەی ئەمنی ناوچە کوردستانیەکانی دەرەوەی ئیدارەی هەرێم بە هەماهەنگی گشت لایەنە پەیوەندیدارەکان بەرێوەببرێت و بۆ ئەم مەبەستەش پێویستە هەرچی زووتر کار بۆ ئاسایی کردنەوەی دۆخی ئەو ناوچانە بکرێت".

هه‌وره‌ها دوا پەرەسەندەکانی ناوچەکە و پێشخستنی زیاتری میکانیزمی هەماهەنگی دوولایەنە لە پێناو رێگری لە سەر هەڵدانەوەی هەڕەشەی تیرۆریزم گفتوگۆی له‌سه‌ر كراوه‌.

لە بەرامبەردا فەرماندەی هێزی هاوپەیمانان، رۆڵی هەرێمی کوردستانی لە جەنگی دژ بە تیرۆریستان بە کاریگەر پیناسە کرد و دووپاتی کردەوە کە هێزەکانی هاوپەیمانان لە هاوکاریی و مەشقی هێزی پێشمەرگە بەردەوام دەبن.

Chancellor Masrour Barzani met today with Major General Walter Piatt of Operation Inherent Resolve a

مەسرور بارزانی پێویسته‌ یه‌كتر قبوڵ بكه‌ین 15-4-2018

مه‌سروور بارزانى: پێویسته‌ ته‌واوی پێداویستییه‌ سه‌ربازییه‌كان و مافه‌ داراییه‌كانی پێشمه‌رگه‌ دابینبكرێن

مه‌سروور بارزانى: پێویسته‌ ته‌واوی پێداویستییه‌ سه‌ربازییه‌كان و مافه‌ داراییه‌كانی پێشمه‌رگه‌ دابینبكرێن

مەسرور بارزانی راوێژکاری ئەنجوومەنی ئاسایشی هەرێمی کوردستان، ئه‌مڕۆ پێشوازیی لە جەنەراڵ برێتلی بێكه‌ر سه‌رۆكی نووسینگه‌ی هه‌ماهه‌نگی ئاسایشی عێراق له‌ باڵیۆزخانه‌ی ئه‌مریكا له‌ عێراق و شاندی یاوەری کرد و رایگه‌یاند، له‌پێناو به‌دیهاتنی ئاشتی و سه‌قامگیری پێویسته‌ یه‌كتری قبوڵ بكه‌ین و گفتوگۆی راسته‌وخۆ له‌سه‌ر كۆی پرسه‌كان بكه‌ین.

لەم دیدارەدا دوا پەرەسەندەکانی ناوچەکە و بەردەوامیی هەماهەنگی هەردوولا لە جەنگی دژ بە تیرۆر و پێشخستنی هه‌ماهه‌نگییه‌ دوولایەنەکان گفتوگۆیان لەسەر کرا.

له‌وباره‌وه‌ راوێژکاری ئەنجوومەنی ئاسایشی هەرێمی کوردستان دووپاتی له‌ هه‌ماهه‌نگی نێوان پێشمه‌رگه‌ و هێزه‌كانی هاوپه‌یمانان كرده‌وه‌ و رایگه‌یاند، به‌پێی ده‌ستوور پێشمه‌رگه‌ هێزێكی ده‌ستوورییه‌ و  پێویسته‌ ته‌واوی پێداویستییه‌ سه‌ربازییه‌كان و مافه‌ داراییه‌كانی بۆ دابین بكرێت.

په‌یوه‌ند به‌ جێبه‌جێكردنی مافه‌كان مه‌سرور بارزانی ئاماژه‌ی به‌وه‌دا، هه‌رێمی كوردستان ئه‌ركه‌ ده‌ستوورییه‌كانی جێبه‌جێكردووه‌، له‌به‌رامبه‌رداپێویسته‌ مافه‌ ده‌ستوورییه‌كانیشی جێبه‌جێ بكرێت.

له‌ به‌شێكی دیكه‌ی ئه‌و دیداره‌دا باس له‌ میكانیزمی به‌ڕێوه‌بردنی ناوچه‌ كوردستانییه‌كانی ده‌ره‌وه‌ی ئیداره‌ی هه‌رێمی كوردستان و جێبه‌جێكردنی مادده‌ی 140ی ده‌ستوور كرا و ئاماژه‌ به‌وه‌ درا، كه‌ بە چارەسەریی بنەڕەتیی کێشەکان ده‌توانرێت زەمینەی سەرهەڵدانەوەی توندوتیژی لە دەڤەرەکە لەناو ببردرێت.

له‌لای خۆیه‌وه‌‌ جه‌نه‌ڕاڵ برێتلی بێكه‌ر دووپاتی له‌ به‌رده‌وامی هه‌ماهه‌نگی نێوان پێشمه‌رگه‌ و هێزه‌كانی هاوپه‌یمان كرده‌وه‌ و رۆڵی پێشمه‌رگه‌ی له‌ تێكشكاندنی تیرۆریستانی داعش به‌رزنرخاند.

باسكردنی هه‌ڵبژاردنه‌كان و میكانیزمی بنیاتنانه‌وه‌ی متمانه‌ له‌نێوان پێكهاته‌كاندا ته‌وه‌رێكی دیكه‌ی دیداره‌كه‌ بوو.

مەسرور بارزانی ئاسایش لە ھەرێمی كوردستان بەرقەرارە

 مەسرور بارزانی  ئاسایش لە ھەرێمی كوردستان بەرقەرارە

له‌ میانی دیدارێكدا له‌گه‌ڵ ماركس ریته‌ر، به‌رپرسی نووسینگه‌ی تیمی یه‌كێتی ئه‌وروپا بۆ چاكسازی له‌ بواری ئاسایش له‌ عێراق و شاندی یاوه‌ری كه‌ ئه‌مڕۆ چوارشه‌ممه‌ 11/4/2018 به‌ڕێوه‌چوو، مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان رایگه‌یاند: "ئاسایش له‌ هه‌رێمی كوردستان تاڕاده‌یه‌كی زۆر به‌رقه‌راره‌ و له‌چاو شوێنه‌كانی دیكه‌ی عێراق جیاوازه‌".

هه‌روه‌ها ئاماده‌یی هه‌رێمی كوردستانی نیشاندا بۆ هه‌ر هاوكاری و مامه‌ڵه‌كردنێك به‌ مه‌به‌ستی سوودوه‌رگرتن له‌ یارمه‌تییه‌ ته‌كنیكیه‌كان و ئامۆژگاری تیمی ناوبراو و گووتی: "له‌ هه‌رێمی كوردستان ده‌خوازین سوود له‌ ئه‌زموونی ئێوه‌ وه‌ربگرین بۆ چۆنیه‌تی روبه‌ڕووبوونه‌وه‌ی هه‌ڕه‌شه‌ ئه‌منیه‌كان، به‌تایبه‌تی ئه‌وله‌ویه‌تی ئێمه‌ پاراستنی گیانی هاووڵاتیانی سیڤله‌ و هیوای سه‌ركه‌وتنی له‌ ئه‌ركه‌كه‌یان بۆ خواستن".

له‌دیدارێكدا، كه‌ "كلاریس پاستۆری" به‌رپرسی نووسینگه‌ی یه‌كێتی ئه‌وڕووپا له‌ هه‌ولێر ئاماده‌ی بوو، گفتوگۆ له‌باره‌ی میكانیزمی مامه‌ڵه‌كردن له‌گه‌ڵ هه‌ڕه‌شه‌ ئه‌منیه‌كان و پاراستنی گیانی هاووڵاتیانی سیڤلیش كراوه‌.

ماركس ریته‌ر پوخته‌یه‌كی ده‌رباره‌ی ئه‌ركی تیمی یه‌كێتی ئه‌وڕووپا بۆ چاكسازی له‌ بواری ئه‌منی له‌ عێراق  و ئامانجی سه‌ردانه‌كه‌ی بۆ هه‌رێمی كوردستان باسكرد و رایگه‌یاند: "‌كاری ئه‌وان بۆ ته‌واوی عێراقه‌ و تایبه‌ته‌ به‌ پێشكه‌شكردنی یارمه‌تی ته‌كنیكی و ئامۆژگاری بۆ رێكخستنه‌وه‌ و چاكسازی و په‌ره‌پێدانی ستراتیژیی‌ له‌ بواری ئه‌منی له‌ عێراق".

له‌ به‌شێكی دیكه‌ی قسه‌كانیدا ئاشكرای كرد، كه‌ له‌ به‌رنامه‌یاندایه‌ و پێیانخۆشه‌ له‌ ئاینده‌دا له‌ بواری ئه‌منی و رێكخستنه‌وه‌دا هاوكاری هه‌رێمی كوردستان بكه‌ن.

مەسرور بارزانی خواستی هەرێمی کوردستان جێبەجێكردنی دەستوورە

لە میانی دیدارێكیاندا لەگەڵ باڵیۆزی رووسیا لە عێراق، مه‌سرور بارزانی، راوێژکاری ئەنجوومەنی ئاسایشی هەرێمی کوردستان رایگەیاند، خواستی هەرێمی کوردستان پابه‌ندبوون و جێبەجێکردنی دەستوورە، وه‌ك رێگه‌چاره‌ی به‌دیهێنانی سه‌قامگیری لە عێراق.

ئەمرۆ 10/4/2018 مەسرور بارزانی، راوێژکاری ئەنجوومەنی ئاسایشی هەرێمی کوردستان پێشوازی لە مه‌كسیم ماكسیمۆڤ، باڵیۆزی رووسیا لە عێراق و شاندی یاوه‌ری کرد. لە دیدارێكدا، كه‌ به ‌ئاماده‌بوونی ڤیكتۆر سیماكۆڤ، كونسوڵی گشتی رووسیا له‌ هه‌ولێر به‌ڕێوه‌چوو، بیروڕا له‌باره‌ی په‌ره‌سه‌ندنه‌ سیاسی و ئه‌منیه‌كانی ناوچه‌كه‌ ئالۆگۆڕكرا و هەردوولا جەختیان لە سەر پەرەپێدانی پەیوەندییەکانی هەرێمی كوردستان و رووسیا له‌ گشت بواره‌كان کردەوە.

لە بارەی هه‌وڵه‌كانی چاره‌سه‌ركردنی كێشه ‌و گرفته‌كان و دانووستانەکانی نێوان هەولێر و بەغدا، باڵیۆزی رووسیا خۆشحاڵیی خۆی بۆ پێشکەوتنی دانوستانەکانی نێوان هەردوولا دەربڕی و ئاواتی خواست هەڵبژاردنەکانی عێراق و هەرێم بە سەرکەتوویی بەڕێوە بچن و ببن بە دەسپێکی قۆناخێکی نوێ بۆ چارەسەری گشت کێشەکان.

پەیوەند بەم بابەتەوە راوێژکاری ئەنجوومەنی ئاسایشی هەرێمی کوردستان ئاماژەی بە هه‌ڵبژاردنه‌كان و هه‌نگاوه‌كانی دواتر كرد، کە وه‌ك هه‌رێمی كوردستان ڤیتۆیان له‌سه‌ر هیچ لیست و لایه‌نێك نییه‌ و جه‌ختی له‌ گرینگی رێزگرتن و پابه‌ندبوون به‌ ده‌ستوور و هاوبه‌شی راسته‌قینه‌ كرده‌وه‌ و رایگه‌یاند، پێویستە هەوڵبدرێت دۆخی عێراق بە جۆرێك ئاسایی بکرێتەوە کە گشت پێکهاتەکان هەست بە دڵنیایی بکەن و دووپاتی کردەوە کە خواستی هەرێمی کوردستان پابه‌ندبوون و جێبەجێکردنی دەستوورە، وه‌ك رێگه‌چاره‌ی به‌دیهێنانی سه‌قامگیری.

لە بارەی جەنگی دژەتیرۆرەوە راوێژکاری ئەنجوومەنی ئاسایشی هەرێم ئاماژه‌ی به‌وه‌دا، كه‌ هێشتا هەڕەشەی تیرۆریستان لە ناوچەکەدا ماوە و به‌م دواییه‌ش چالاكییه‌كانیان له‌ هه‌ندێ ناوچه‌ په‌ره‌ی سه‌ندووه‌.

مه‌سروور بارزانی پێویسته‌ رەوشی ناوچه‌ كوردستانییه‌كان ئاسایی بکرێته‌وه‌

 مه‌سروور بارزانی  پێویسته‌ رەوشی ناوچه‌ كوردستانییه‌كان ئاسایی بکرێته‌وه‌  

مەسروور بارزانی، راوێژکاری ئەنجوومەنی ئاسایشی هەرێمی کوردستان له‌ پێشوازیكردنی جەنەرال وۆلتر پایێت، فەرماندەی گشتیی نوێی هێزی هاوپەیامانان لە عێراق و شاندی یاوەری، نیگه‌رانی خۆی له‌ سەرهەڵدانەوەی چالاکیی تیرۆریستان لە هەندێ ناوچەی عێراق و ناوچە کوردستانیەکانی دەرەوەی ئیدارەی هەرێم دەربڕی.

راوێژكاری ئه‌نجوومه‌نی ئاسایشی هه‌رێمی كوردستان، بە پێویستیشی زانی هەرچی زووتره‌ بە هاوکاری و هەماهەنگیی هەرێم و لایەنە نێودەوڵەتی و عێراقییەکان رەوشی ئەم ناوچانە ئاسایی بکرێنەوە و هەموو ئەو هۆکارە سیاسی و ئابووری و ئیدارییانە لابدرێن کە رێخۆشکەرن بۆ سەرهەڵدانەوەی توندوتیژی و گەشەکردنەوەی گرووپە تیرۆریستییەکان.

مه‌سروور بارزانی، هیوای سەرکەوتنی بۆ جەنەرال پایێت خواست كه‌ وه‌ك فەرماندەی گشتیی نوێی هێزی هاوپەیامانان لە عێراق ده‌ستبه‌كاربووه‌ و دووپاتیشی کردەوە، هەرێمی کوردستان بە هەموو توانایەک لە بەرەی جەنگی دژ بە تیرۆریستاندا دەمێنێتەوە.

لە بەرامبەردا فەرماندەی گشتیی هێزی هاوپەیمانان پابەندبوونی هاوپەیمانیی نێودەوڵەتیی بۆ هاوکاری و هەماهەنگی هەرێمی کوردستان و هێزی پێشمەرگە دووپات کردەوە و رایگەیاند، هەرێمی کوردستان پێگەیەکی کاریگەری هەیە و وەک فاکتەرێکی سەقامگیری لە ناوچەکەدا جێگەی پێزانینی هاوپەیمانانە.

جەنەرال پایێت ئاواتی خواست کە بە هەماهەنگی هەموو لایەک رێگە لە سەرهەڵدانەوەی توندوتیژی بگیرێت و بردنەوەی جەنگی دژ بە تیرۆریستان بە بردنەوەی ئاشتی و سەقامگیری کۆتایی پێ بهێت.