Saturday, December 3, 2016
مه‌سروور بارزانى دواڕۆژى هه‌رێمى كوردستان له‌گه‌ڵ ئيداره‌ى نوێى ئه‌مريكا تاوتوێ ده‌كات
بۆ تاوتوێکردنی داهاتووی هەرێمی کوردستان و پاڵپشتیکردنی هێزەکانی پێشمەرگە و زانینی دید و بۆچوونی بەرپرسانی باڵای ئێستا و داهاتووی ئیدارەی ئەمریکا و تیمی دۆناڵد ترەمپى سه‌رۆكى نوێى ئه‌مريكا، مەسرور بارزانی راوێژکاری ئەنجوومەنی ئاسایشی هەرێمی کوردستان، سەردانی واشنتۆنی کرد.
لەم سەردانەدا، فوئاد حسێن سەرۆکی دیوانی سەرۆکایەتی هەرێمی کوردستانیش یاوەری مەسرور بارزانی کردووە.
مەسرور بارزانی دەیەوێت، لەم سەردانە پڕ لە جوڵە دیبلۆماسیەدا، لە هەڕەمی وڵاتانی جیهانەوە، خەبات و قوربانیدانی پێشمەرگە، لەتەک خەباتی دیپلۆماتیانەی گونجاودا، جارێکی دیکە پرسی داهاتووی هەرێمی کوردستان لە ناوچەکە تاووتوێبکات.
راوێژکاری ئەنجوومەنی ئاسایشی هەرێمی کوردستان، مەبەستیەتی لەگەڵ ئیدارەی ئێستا و داهاتووی ئەمریکا، باس لە ئاییندەی کوردستان و پێشمەرگە بکات، بەتایبەت کە چەندینجار ئەمریکاییەکان کوردییان بە دۆستی نزیکی خۆیان زانیوە و پاڵپشتی و هاوکاری بەردەوامی پێشمەرگە بوون لەشەڕی تیرۆردا.
ئەمە جیالەوەی ئەم پاڵپشتییە بۆ پێشمەرگە، لەلایەن چەندین ئەندامی تیمەکەی ترەمپیش دووپاتکراوەتەوە.
هەروەها مەسرور بارزانی، نیازی وایە لە چەندین سیمینار و کۆبوونەوە لە ناوەندەکانی تینک تانکی ئەمریکا، بە ئامانجی دیالۆگی زیاتر و بیروبۆچوون و لێکتێگەیشتنی زیاتر لەسەر هەرێمی کوردستان بەشداری بکات.
لەیەکەم وێستەگەشیدا لە ناوەندی گەشەپێدانی ئەمریکا، مەسرور بارزانی، بیروبۆچوونەکانی لەگەڵ بەرپرسانی ئەم ناوەندە، لەبارەی وتوێژەکانی نێوان هەولێر و بەغدا تاووتوێکرد، بە ئامانجی دەستەبەرکردنی مافەکانی کورد لە ناوچەکەدا.
مه‌سروور بارزانى، له لێدوانێكى تايبه‌تدا بۆ كوردستان 24 رايگه‌ياند، ئامانجمان له سه‌ردانه‌كه‌مان بۆ واشنتن بۆ ئه‌وه‌يه سووپاسى ئيداره‌ى ئێستاى ئه‌مريكا بكه‌ين بۆ ئه‌و هاوكارييانه‌ى بۆ هه‌رێمى كوردستان و پێشمه‌رگه ناردوويه‌تى و هه‌روه‌ها له ئيداره‌ى نوێش زياتر تێبگه‌ين. بێگومان بيروبۆچوونى خۆمان له‌گه‌ڵ ئه‌وان تاوتوێده‌كه‌ين، به‌ڵام هێشتا ده‌ستبه‌كار نه‌بوون، بۆيه ره‌نگه نه‌توانن به شێوه‌يه‌كى فه‌رمى سياسه‌تى خۆيان ئاشكرا بكه‌ن.
له‌و چوارچێوه‌يه‌دا، دانیێڵ بنیامین، لێكۆڵەر لە ناوەندەی گەشەپێدانی ئەمریكا گوتى: "بەڕێز راوێژكاری ئەنجومەنی ئاساییشی ھەرێمی كوردستان لێرە بیروبۆچوونەكانی له‌گەڵ ئێمە ئاڵوگۆڕ كرد، من خۆم لە سەر مێژووی كورد لە عێراق و كوردستان و ئاستەنگەكان و كۆمەڵكوژی ئەنفال خوێندوومە. ئەو نەھامەتیانە ترسی لای كورد لەسەر مانەوە لە عێراق دروست كردووە. لێرە تاوتوێی دۆزینەوەی رێگەیەكیش كرا لەگەڵ سەرۆك وەزیرانی عێراق، حەیدەر عەبادی. ئەمە ھەمووی بە ئامانجی دەستەبەركردنی ئاساییش و فەراھەمكردنی مافەكانی كورد. ھەروەھا پێویستيی بۆ گفتوگۆی بەرھەمھێن لەگەڵ بەغداد و ھێنانە دی ئەمە".
لەم سەردانەدا، فوئاد حوسێن سەرۆكی دیوانی سەرۆكایەتی ھەرێمی كوردستانیش یاوەری مەسرور بارزانی کردووەو بڕیاریشە لە رۆژانی داهاتوودا، راوێژکاری ئەنجوومەنی ئاسایشی هەرێمی کوردستان، کۆبوونەوەی زیاتر لەگەڵ بەرپرسانی ئیدارەی ئەمریکا و ناوەندەکانی دیکەی ئەو وڵاتە لەبارەی دید و تێڕوانینی ئەمریکاییەکان بۆ ئایندەی کوردستان کۆببێتەوە.
Sunday, November 27, 2016
مه‌سروور بارزانى پێشوازیى له شاندێكى یه‌كێتیی لاوانی دیموكراتی ئه‌ورووپا كرد 27-11-2016
ئه‌مڕۆ مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی له خافێر هورتادو میرا سه‌رۆكی یه‌كێتی لاوانی دیموكراتی ئه‌وڕووپا و شاندی یاوه‌ری كرد و رایگه‌یاند، هیوادارم كۆبوونه‌وه‌یه‌كی سه‌ركه‌وتوو ببه‌ستن و ویسته‌كانی لاوانی ئه‌وڕووپا و لاوانی كوردستان به شێوه‌یه‌كی تایبه‌تی تێیدا ره‌نگ بداته‌وه.
له دیدارێكدا، كه به ئاماده‌بوونی (فه‌لاح حه‌سه‌ن) جێگری سه‌رۆكی یه‌كێتی لاوانی دیموكراتی جیهانی به‌ڕێوه‌چوو، دوا په‌ره‌سه‌ندنی رووداوه سه‌ربازیی و سیاسیه‌كانی ناوچه‌كه و كێشه و قه‌یرانه‌كانی هه‌رێمی كوردستان و شه‌ڕی دژ به تیرۆرستانی داعش تاوتوكرا.
مه‌سرور بارزانی له وته‌یه‌كدا په‌یوه‌ست به كێشه‌و گرفته‌كانی ناوچه‌كه باسی له شكستی سیستمی سیاسی و نایه‌كسانی له نێوان گه‌لانی ناوچه‌كه كرد و به‌تێروته‌سه‌لیش باسی له قۆناغه‌كانی خه‌باتی ره‌وای گه‌لی كورد بۆ گه‌یشتن به مافه‌كانی كرد و رایگه‌یاند، پێویسته ئێوه‌ی لاوان له وڵاته‌كانی خۆتاندا له‌ڕێگه‌ی یه‌كێتیه‌كه‌تانه‌وه هه‌وڵه‌كانتان زیاتر چڕ بكه‌نه‌وه بۆ ئاشناكردنی هاووڵاتیانی وڵاته‌كانتان به كێشه مێژوویی و بنه‌ڕه‌تیه‌كانی ناوچه‌كه، كه پێویسته ئه‌و هه‌ڵانه‌ی له رابردوودا به‌رامبه‌ر مافه‌كانی كورد كراون، راست بكرێنه‌وه. له‌لای خۆیه‌وه سه‌رۆكی یه‌كێتی لاوانی دیموكراتی ئه‌وڕووپا رایگه‌یاند، كه ئه‌وان له یه‌كێتی لاوانی دیموكراتی ئه‌وڕووپا له وڵاتانی ئه‌ندام له یه‌كێتی ئه‌وڕووپا كار ده‌كه‌ن بۆ پشتیوانیكردن له مافه‌كانی گه‌لی كوردستان و گوتیشی: ئێمه شانازی به پێشمه‌رگه ده‌كه‌ین و قوربانیدانه‌كانی به‌رز ده‌نرخێنین.
جێی ئاماژه‌یه شاندی یه‌كێتی لاوانی دیموكراتی ئه‌وڕووپا چه‌ند رۆژێكه به مه‌به‌ستی ئاماده‌كاری بۆ كۆبوونه‌وه‌ی ساڵانه‌ی خۆی له هه‌ولێری پایته‌خته، كه بڕیاره ئه‌مساڵ به دروشمی پێشمه‌رگه هێزه‌كه‌ی ئاشتی و ئازادی به به‌شداری سه‌رۆكی لاوانی چوارده وڵاتی ئه‌وڕووپی به ئامانجی پشتگیریكردن له پێشمه‌رگه و مافه‌كانی كورد له هه‌رێمی كوردستان ببه‌سترێت.
Thursday, November 10, 2016
Wednesday, October 26, 2016
مه‌سرور بارزانی له‌گه‌ڵ جێگری یاریده‌ده‌ری وه‌زیری ده‌ره‌وه‌ی ئه‌مریكا كۆبوویەوە
جه‌خت له‌وه كرایه‌وه كه نابێ هیچ گروپێكی چه‌كداری ده‌ره‌وه‌ی دامه‌زراوه فه‌رمیه‌كانی عێراق به‌شداری له ئۆپه‌راسیۆنی رزگاركردنی مووسڵ و قۆناغه‌كانی دواتردا بكات
ئه‌مڕۆ 26/10/2016 مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان له میانه‌ی پێشوازیكردنی له جۆزێف پێنینگتۆن جێگری یاریده‌ده‌ری وه‌زیری ده‌ره‌وه‌ی ئه‌مریكا و به‌رپرسی مه‌له‌فی عێراق و شاندی یاوه‌ری رایگه‌یاند، له‌م ئۆپه‌راسیۆنه‌دا هێزه‌كانی پێشمه‌رگه‌ی كوردستان زۆربه‌ی ئه‌و ئامانجانه‌ی جێبه‌جێكرد، كه له‌چوارچێوه‌ی رێككه‌وتندا له‌گه‌ڵ حكوومه‌تی فیدراڵی عێراق دیاریكرابوو.
له كۆبوونه‌وه‌یه‌كدا دوا په‌ره‌سه‌ندنه سه‌ربازییه‌كانی ئۆپه‌راسیۆنی رزگاركردنی مووسڵ له تیرۆریستانی داعش و په‌ره‌سه‌ندنه سیاسییه‌كانی ناوچه‌كه به‌گشتی تاوتوكرا و ئاماژه به كاریگه‌ری و ئه‌نجامه‌كانی هه‌ماهه‌نگی نێوان هێزه‌كانی پێشمه‌رگه‌ی كوردستان و سوپای عێراق و به‌رده‌وامی پێشڕه‌وییه‌كان درا. په‌یوه‌ست به پێشڕه‌وییه‌كانی پێشمه‌رگه و ئامانجه رێككه‌وتن له‌سه‌ركراوه‌كان، مه‌سرور بارزانی رایگه‌یاند" له‌م ئۆپه‌راسیۆنه‌دا هێزه‌كانی پێشمه‌رگه‌ی كوردستان زۆربه‌ی ئه‌و ئامانجانه‌ی جێبه‌جێكرد، كه له‌چوارچێوه‌ی رێككه‌وتندا له‌گه‌ڵ حكوومه‌تی فیدراڵی عێراق دیاریكرابوو.
هه‌ر له كۆبوونه‌وه‌كه‌ی نێوان راوێژكاری ئه‌نجوومه‌نی ئاسایشی هه‌رێمی كوردستان و جێگری یاریده‌ده‌ری وه‌زیری ده‌ره‌وه‌ی ئه‌مریكا جه‌خت له‌وه كرایه‌وه، كه نابێ هیچ گرووپێكی چه‌كداری ده‌ره‌وه‌ی دامه‌زراوه فه‌رمیه‌كانی عێراق به‌شداری له ئۆپه‌راسیۆنی رزگاركردنی مووسڵ و قۆناغه‌كانی دواتردا بكات.
Saturday, October 22, 2016
مه‌سرور بارزانی پێشوازی لە نێردەی تایبەتی سەرۆك ئۆباما بۆ هاوپەیمانیی جیهانى دژی داعش کرد
ئه‌مڕۆ 22/ 10/ 2016 مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی لە برێت مەكگورك نێردەی تایبەتی سەرۆك ئۆباما بۆ هاوپەیمانیی جیهانى دژی داعش و شاندێكی یاوەری كرد.
لە دیدارێكدا دوا په‌ره‌سه‌ندنه سه‌ربازییه‌كانی به‌ره‌كانی روبه‌ڕووبوونه‌وه‌ی تیرۆریستانى داعش به گشتی و ئۆپه‌راسیۆنی رزگاركردنی مووسڵ و پێشهاته سیاسیه‌كانی ناوچه‌كه تاوتوكرا و هه‌ردوولا جه‌ختیان له بایه‌خ و به‌رده‌وامی پشتیوانی ئاسمانی و تێبینكردنی گۆڕانكاری به‌رچاو له زیاتركردنی هێرشه ئاسمانیه‌كان له‌چاو سه‌ره‌تای ده‌ستپێكردنی ئۆپه‌راسیۆنی رزگاركردنی مووسڵ كرده‌وه. په‌یوه‌ست به پێشڕه‌وییه‌كانی ئه‌م دواییه‌ی هێزه‌كانی پێشمه‌رگه له باكور و باكوری رۆژهه‌ڵاتی مووسڵ، مه‌سرور بارزانی رایگه‌یاند، داعش له زۆر به‌ره‌وه تێكشكاوه، ئه‌مه‌ی هه‌یه ئاماژه‌یه، كه له‌ڕووی سه‌ربازییه‌وه له كۆتایی نزیك كه‌وتوونه‌ته‌وه.
له‌لای خۆیه‌وه برێت مەكگورك جەختی لە به‌رده‌وامیدان به پاڵپشتی و پشتیوانیكردنی ئەمەریكا بۆ هێزی پێشمەرگە كرده‌وە و رایگه‌یاند، ئێمه به‌یه‌كه‌وه‌ین و پشتیوانیمان بۆ تێكشكاندنی ئه‌و دوژمنه دڕه‌نده‌یه به‌رده‌وام ده‌بێت.
لە بەشێكی تری كۆبوونەوەكە پەیوەندییه‌كانى نێوان هەولێر و بەغدا تیشكی خرایه سه‌ر و هه‌ماهه‌نگیی و گفتوگۆی نێوان هێزه‌كانی پێشمه‌رگه و سوپای عێراق له ئۆپه‌راسیۆنی رزگاركردنی مووسڵ به هه‌نگاوێگی گرنگ دانرا بۆ شكستپێهێنان به داعش و چاره‌سه‌ركردنی كێشه‌كانی عێراق.
هه‌ر له دیداره‌كه‌دا نێرده‌ی تایبه‌تی سه‌رۆكی ئه‌مریكا بۆ هاوپەیمانیی جیهانى دژی داعش پرسه و سه‌ره‌خۆشی باراك ئۆبامای له كه‌سوكاری شه‌هیدانی پێشمه‌رگه قاره‌مانه‌كان كرد و هیواى زوو چاكبوونه‌وه‌شی بۆ برینداره‌كان خواست. هاوكات راوێژكاری ئه‌نجوومه‌نی ئاسایشی هه‌رێمی كوردستان سه‌ره‌خۆشی له سوپای ئه‌مریكا و بنه‌ماڵه‌ی ئه‌و سه‌ربازه ئه‌مریكییه كرد، كه له ئۆپه‌راسیۆنه‌كه‌دا گیانی به‌خشی.
لە دیدارێكدا دوا په‌ره‌سه‌ندنه سه‌ربازییه‌كانی به‌ره‌كانی روبه‌ڕووبوونه‌وه‌ی تیرۆریستانى داعش به گشتی و ئۆپه‌راسیۆنی رزگاركردنی مووسڵ و پێشهاته سیاسیه‌كانی ناوچه‌كه تاوتوكرا و هه‌ردوولا جه‌ختیان له بایه‌خ و به‌رده‌وامی پشتیوانی ئاسمانی و تێبینكردنی گۆڕانكاری به‌رچاو له زیاتركردنی هێرشه ئاسمانیه‌كان له‌چاو سه‌ره‌تای ده‌ستپێكردنی ئۆپه‌راسیۆنی رزگاركردنی مووسڵ كرده‌وه. په‌یوه‌ست به پێشڕه‌وییه‌كانی ئه‌م دواییه‌ی هێزه‌كانی پێشمه‌رگه له باكور و باكوری رۆژهه‌ڵاتی مووسڵ، مه‌سرور بارزانی رایگه‌یاند، داعش له زۆر به‌ره‌وه تێكشكاوه، ئه‌مه‌ی هه‌یه ئاماژه‌یه، كه له‌ڕووی سه‌ربازییه‌وه له كۆتایی نزیك كه‌وتوونه‌ته‌وه.
له‌لای خۆیه‌وه برێت مەكگورك جەختی لە به‌رده‌وامیدان به پاڵپشتی و پشتیوانیكردنی ئەمەریكا بۆ هێزی پێشمەرگە كرده‌وە و رایگه‌یاند، ئێمه به‌یه‌كه‌وه‌ین و پشتیوانیمان بۆ تێكشكاندنی ئه‌و دوژمنه دڕه‌نده‌یه به‌رده‌وام ده‌بێت.
لە بەشێكی تری كۆبوونەوەكە پەیوەندییه‌كانى نێوان هەولێر و بەغدا تیشكی خرایه سه‌ر و هه‌ماهه‌نگیی و گفتوگۆی نێوان هێزه‌كانی پێشمه‌رگه و سوپای عێراق له ئۆپه‌راسیۆنی رزگاركردنی مووسڵ به هه‌نگاوێگی گرنگ دانرا بۆ شكستپێهێنان به داعش و چاره‌سه‌ركردنی كێشه‌كانی عێراق.
هه‌ر له دیداره‌كه‌دا نێرده‌ی تایبه‌تی سه‌رۆكی ئه‌مریكا بۆ هاوپەیمانیی جیهانى دژی داعش پرسه و سه‌ره‌خۆشی باراك ئۆبامای له كه‌سوكاری شه‌هیدانی پێشمه‌رگه قاره‌مانه‌كان كرد و هیواى زوو چاكبوونه‌وه‌شی بۆ برینداره‌كان خواست. هاوكات راوێژكاری ئه‌نجوومه‌نی ئاسایشی هه‌رێمی كوردستان سه‌ره‌خۆشی له سوپای ئه‌مریكا و بنه‌ماڵه‌ی ئه‌و سه‌ربازه ئه‌مریكییه كرد، كه له ئۆپه‌راسیۆنه‌كه‌دا گیانی به‌خشی.
Thursday, October 6, 2016
Subscribe to:
Posts (Atom)