مه‌سرور بارزانی پێشوازیی له بالیۆزی كه‌نه‌دا له عێراق و ئۆردن و شاندی یاوه‌ری كرد 14-4-2015
له دیدارێكدا په‌ره‌سه‌ندنه‌كانی بواری ئه‌منیی و یارمه‌تییه‌كانی سه‌ربازی و مرۆیی و په‌یوه‌ندییه سیاسی و ئابوورییه‌كانی نێوان هه‌رێمی كوردستان و كه‌نه‌دا و پێداویستییه‌كانی شه‌ڕی دژ به تیرۆریستانی داعش تاوتوكرا.
له‌وباره‌وه مه‌سرور بارزانی ئاماژه‌ی به گرنگی پێكه‌وه‌كاركردن له‌م شه‌ڕه جیهانییه‌دا و رایگه‌یاند، ئێمه دۆست و هاوبه‌شین، پێویسته پێكه‌وه كار بۆ شكاندن و پاشه‌كشه‌كردن به تیرۆریستانی داعش و پته‌وتركردنی په‌یوه‌ندییه دوو قۆڵیه‌كان بكه‌ین.
له به‌رامبه‌ردا بالیۆزی كه‌نه‌دا له عێراق و ئه‌رده‌ن خۆشحاڵی خۆی به‌رامبه‌ر ئه‌و پێشكه‌وتنانه نیشاندا، كه له كوردستان به‌دیهاتوون و رایگه‌یاند، ئه‌و پێشكه‌وتنانه‌ی له بواره‌كانی سیاسی و ئابووری و مرۆییدا له كوردستان به‌دیهاتوون مایه‌ی خۆشحاڵی ئێمه‌ن و به‌لای ئێمه‌وه زۆر گرنگن و ده‌مانه‌وێ پێكه‌وه له‌گه‌ڵ ئێوه‌دا كاری له‌سه‌ر بكه‌ین، وه‌ك بنه‌مای ئاینده‌ی په‌یوه‌ندی نێوان كوردستان و كه‌نه‌دا.
No comments:
Post a Comment