مه‌سرور بارزانی پێشوازی له‌سكرتێری گشتی رێكخراوی لێبوردنی نێوده‌وڵه‌تی و شاندی یاوه‌ری ده‌كات

ئه‌مڕۆ 4/5/2016 (مه‌سرور بارزانی) راوێژكاری ئه‌نجوومه‌نی ئاسایشی هه‌رێمی كوردستان له‌میانه‌ی پێشوازیكردنی له‌(سالیل شه‌تی) سكرتێری گشتی رێكخراوی لێبوردنی نێوده‌وڵه‌تی و شاندی یاوه‌ری، ئاماده‌یی هه‌رێمی كوردستان نیشاندا‌بۆ كاركردن له‌گه‌ڵ رێكخراوی لێبوردنی نێوده‌وڵه‌تی له‌چاره‌سه‌ركردنی هه‌ر كه‌موكوڕیه‌ك و حاڵه‌تێكی‌‌تاكیدا .

له‌دیدارێكدا، ناوه‌ڕۆكی دوا راپۆرتی رێكخراوه‌كه‌و ئاینده‌ی هاوكارییه‌كان له‌شه‌ڕی دژ به‌تیرۆریستانی داعش تاوتوكرا. له‌لای خۆیه‌وه‌سكرتێری گشتی رێكخراوی لێبوردنی نێوده‌وڵه‌تی ئاماژه‌ی به‌پابه‌ندبوونه‌كانی حكوومه‌تی هه‌رێمی كوردستان به‌رامبه‌ر مافه‌كانی مرۆڤ و پاراستنی هاووڵاتیانی سیڤل دا و رایگه‌یاند، "ئێمه‌كراوه‌یی و پابه‌ندبوونه‌كانی حكوومه‌تی هه‌رێمی كوردستان به‌رز ده‌نرخێنین و مێژووییه‌كی دورودرێژمان لێره‌هه‌یه‌"

هه‌ر له‌و دیداره‌دا هه‌ردوولا گفتوگۆیان له‌باره‌ی میكانیزمه‌كانی ئاماده‌كردنی راپۆرتی ورد و دروست كرد و مه‌سرور بارزانی دووپاتی له‌ئاماده‌یی هه‌رێمی كوردستان كرده‌وه‌بۆ كاركردن له‌گه‌ڵ رێكخراوی لێبوردنی نێوده‌وڵه‌تی له‌چاره‌سه‌ركردنی هه‌ر كه‌موكوڕیه‌ك و حاڵه‌تێكی‌‌تاكیدا و رایگه‌یاند، " دڵنیام ئه‌مه‌سیاسه‌تی هه‌رێمی كوردستان نییه‌، ئێمه‌ده‌خوازین لێكۆڵینه‌وه‌له‌و حاڵه‌تانه‌دا بكه‌ین، كه‌له‌دوا راپۆرتی رێكخراوه‌كه‌دا هاتوون"

ئێران رۆڵی هەرێم لە جەنگی دژ بە تیرۆریستان بەرز دەنرخێنێت

ئەمرۆ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە بەرێز حەسەنی دانایی فەر سەفیری کۆماری ئیسلامی ئێران و مورتەزا عەبادی کۆنسولی گشتیی ئێران لە هەولێر و شاندنی یاوەری کرد.

لەم دیدارەدا گفتوگۆ لە سەر دوا رەوشی عێراق و ناوچەکە کرایەوە و بە تایبەتی تیشک خرایە سەر دوا رەوشی جەنگی دژی تیرۆریستانی داعش و هەروەها پەرەسەندنە سیاسییەکانی ناوخۆی عێراق. سەفیری ئێران لە ئاماژەیەکدا بە دوا سەرکەوتنەکانی هێزی پێشمەرگە رۆلی هەرێمی کوردستانی لە جەنگی دژ بە تیرۆریستان بەرز نرخاند و ئاواتی خواست بە هاوکاریی ناوچەیی و نێودەوڵەتی هەرچی زووتر کۆتایی بە هەرەشەی تیرۆریستان لە عێراق و سوریا بهێنرێت.

لە بارەی پەرەسەندنە سیاسییەکانی ناوخۆی عێراق، راوێژکاری ئەنجوومەنی ئاسایشی هەرێم تیشکی خستە سەر ئەوەی کە دەبێت واقعبینانە مامەڵە لە گەل رەوشی ناوخۆی عێراق بکرێت و چارەسەریی کیشەکان بە رەچاوکردنی هۆکارە مێژووییەکان بێت و ناکرێت جەخت لەو رێکارانە بکرێتەوە کە هەمان ئەم ئەنجامانەی ئێستای لێدەکەوێتەوە.
هەر لەم دیدارەدا باس لە چۆنیەتی ئاسانکاریی زیاتر لە ناوچە سنووریەکان کرا بە جۆرێک هاتووچۆی گەشتیاری و پەیوەندییە ئابوورییەکان زیاتر پەرەی پێ بدرێت.

مه‌سرور بارزانی پێشوازی له‌ سینا‌تۆر ماركۆ روبیۆ ده‌كات

رۆڵی هه‌رێمی كوردستان له‌شه‌ڕی دژ به‌تیرۆریستانی داعش سه‌ره‌كی و كاریگه‌ره‌

ئه‌مڕۆ 4/5/2016 (مه‌سرور بارزانی) راوێژكاری ئه‌نجوومه‌نی ئاسایشی هه‌رێمی كوردستان له‌میانه‌ی پێشوازیكردنی له‌سێنا‌تۆر (ماركۆ روبیۆ) ئه‌ندامی كۆنگرێسی ئه‌مریكا و یه‌كێك له‌ كاندیدانی پارتی كۆماری بوو بۆ هه‌ڵبژاردنی ساڵی 2016ی سه‌رۆكایه‌تی رایگه‌یاند، " ئێمه‌ ئه‌وه‌ی له‌تواناماندا بوو بۆ هێشتنه‌وه‌ی وڵات به‌پێكه‌وه‌یی و هاوبه‌شی كردمان، به‌ڵام ئێستا عێراق به‌كرده‌وه‌دابه‌ش بووه‌."

له‌و دیداره‌دا، كه‌(ماتیاس میتمان) كونسوڵی گشتی ئه‌مریكا له‌هه‌ولێر ئاماده‌یبوو، شه‌ڕی دژ به‌تیرۆریستانی داعش و ئاماده‌كارییه‌كانی ئۆپه‌راسیۆنی رزگاركردنی مووسڵ و رێوشوێنه‌كانی هاوكاری زیاتری نێوان ویلایه‌ته‌یه‌كگرتووه‌كانی ئه‌مریكا و هه‌رێمی كوردستان تاوتوكرا. سێنا‌تۆر (ماركۆ) دووپاتی له‌رۆڵی هه‌رێمی كوردستان له‌شه‌ڕی دژ به‌تیرۆریستانی داعش و تیرۆریزمی جیهانی به‌شێوه‌یه‌كی گشتی كرده‌وه‌و رایگه‌یاند، كه‌"رۆڵێكی سه‌ره‌كی و كاریگه‌ره‌."

هه‌ر له‌و دیداره‌دا، هه‌ردوولا گفتوگۆیان له‌باره‌ی بزاوته‌سیاسی و كۆمه‌ڵایه‌تییه‌كان و ئاسته‌نگه‌كانی به‌رده‌م رێككه‌وتنێكی سیاسی گشتگیر له‌نێوان پێكهاته‌كانی مووسڵ دوای رزگاركردنی كرد و مه‌سرور بارزانی جارێكی دیكه‌تیشكی خسته‌سه‌ر پێویستی دابینكردنی یارمه‌تییه‌سه‌ربازی و دارییه‌كان بۆ هێزه‌كانی پێشمه‌رگه‌و رایگه‌یاند، "ئێمه‌پێمانوایه‌ده‌بێ بۆ ئه‌م ئۆپه‌راسیۆنه‌هێزه‌كانی پێشمه‌رگه‌ش وه‌كو سوپای عێراق پڕ چه‌ك بكرێن" 
له‌به‌شێكی دیكه‌ی دیداره‌كه‌دا ئاماژه‌به‌ناكۆكییه‌مێژوویی و تایفییه‌كانی نێوان پێكهاته‌كانی عێراق درا و مه‌سرور بارزانی رایگه‌یاند،" عه‌قڵیه‌تێك له‌به‌غدا هه‌یه‌، هاوبه‌شی قبوڵ نییه‌، ئێمه‌ئه‌وه‌ی له‌تواناماندا بوو بۆ هێشتنه‌وه‌ی وڵات به‌پێكه‌وه‌یی و هاوبه‌شی كردمان، به‌ڵام ئێستا عێراق به‌كرده‌وه‌ دابه‌ش بووه‌"

له‌به‌شێكی دیكه‌ی دیداره‌كه‌دا تیشكخرایه‌سه‌ر دوا هێرشی به‌رفره‌وانی تیرۆریستانی داعش دژ به‌سه‌نگه‌ره‌كانی پێشمه‌رگه‌له‌میحوه‌ری ته‌لسقۆف و گیان له‌ده‌ستدانی سه‌ربازێكی ئه‌مریكا، كه‌له‌و محوه‌ره‌دا هاوكاری پێشمه‌رگه‌ی ده‌كرد، له‌و باره‌وه‌مه‌سرور بارزانی رایگه‌یاند، ئێمه‌به‌یه‌كه‌وه‌خوێنمان به‌خشی و په‌یوه‌ندی مێژوویی نێوان هه‌ردوو وڵات به‌رز ده‌نرخێنین و خوازیاری پته‌وتركردن و به‌رده‌وامی ئه‌م دۆستایه‌تییه‌ن.

مه‌سرور بارزانى پێشوازیى له‌ سه‌رۆكى كۆمه‌ڵه‌ى مانگى سورى عێراقى كرد 3-5...

مه‌سرور بارزانى: سه‌ركه‌وتنی ئه‌مرۆی پێشمه‌رگه‌ سه‌لماندی كوردستان گۆرستانه‌ بۆ تیرۆریستان

مه‌سرور بارزانی راوێژكارى ئه‌نجومه‌نی ئاسایشی هه‌رێمی كوردستان چه‌ند تویتێكى له‌ تۆری كۆمه‌ڵایه‌تی تویته‌ر له‌باره‌ى سه‌ركه‌وتنه‌كانى ئه‌مڕۆى هێزه‌كانى پێشمه‌رگه‌ به‌سه‌ر تیرۆریستانى داعش بڵاو كرده‌وه‌ . مه‌سروور بارزانى رایگه‌یاندووه‌ تویتێكی بڵاوكرده‌وه‌ و ڕایگه‌یاند له‌ كانگای دڵه‌وه‌ سه‌ره‌خۆشی خۆم ئاراسته‌ی خانه‌واده‌ی پێشمه‌رگه‌ شه‌هیده‌كان و سه‌بازه‌ ئه‌مریكیه‌ خۆبه‌خشه‌كان ده‌كه‌م كه‌وا ئه‌مرۆ به‌یانی شه‌هید بوون . 

هه‌روه‌ها ستایشی فه‌رمانده‌ و هێزه‌كانی پێشمه‌رگه‌ی كرد كه‌وا ئه‌مڕۆ توانیان هێرشه‌كانی تیرۆرستانی داعش تێكبشكێن و . 

راشیگه‌یاند ئه‌م سه‌ركه‌وتنه‌ی ئه‌مرۆی پێشمه‌رگه‌ سه‌لماندی كوردستان گۆرستانه‌ بۆ تیرۆریستان . راشیگه‌یاندووه‌ پێشمه‌رگه‌ باشترین هیواى جیهانه‌ بۆ تێكشكاندنى داعش.

لە هەرێمی کوردستان ئامادەکاری بۆ کۆنترۆلی شەپۆلی ئاوارەکانی کاتی رزگارکردی موسڵ دەکرێت

ئەمرۆ 3-5-2016 مەسرور بارزانی راوێژکاری ئەنجوومەنی ئاسایش پێشوازیی لە د. یاسین ئەحمەد عەباس ئەلمەعموری سەرۆکی کۆمەلەی مانگی سوری عێراقی و هاورێ ئیحسان سادق سەرۆکی لقی هەولێری مانگی سوری عێراقی و موسا ئەحمەد جێگری سەرۆکی دەزگای خێرخوزیی بارزانی کرد.

لەم دیدارەدا رەوشی مرۆیی کەمپی ئاوارەکان لە هەرێم تاوتوێ کرا و سەرۆکی مانگی سووری عێراقی سوپاس و پێزانینی خۆی بۆ هەرێمی کوردستان دەربڕی کە وێرای ئەو قەیرانە داراییە توانیویانە پێشوازی لە یەک ملیۆن و هەشسەدهەزار پەنابەر و ئاوارە بکات.

هەر لەم دیدارەدا تاوتوێی چۆنیەتی ئامادەکاری بۆ کۆنترۆلی ئەگەری هاتنی شەپۆلی ئاوارەکانی موسڵ کرا لە کاتی ئەنجامدانی پرۆسەی رزگارکردنی موسڵ لە دەست چەکدارانی داعش بە جۆرێک ئەو شەپۆلە لە ڕووی مرۆیی و تەنانەت ئەمنی کاریگەریی بۆ سەر هەرێم کەم بکرێت و لەهەمان کاتدا گیانی ئەو ئاوارانە بپارێزرێت.
بۆ ئەم پرۆسەیەش بڕیارە مانگی سووری عێراقی بە هاوکاری دەزگای خێرخوازی بارزانی و دامودەزگاکانی حکومەت پلانی پێشوەختەیان هەبێت و پێداویستیەکان دابین بکەن.

مه‌سرور بارزانی به‌شداری له‌ پرسه‌ی باوكی دكتۆر محمه‌د حاجی کرد

پاشنیوه‌ڕۆی رۆژی 1/5/2016 مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان له‌ شاری هه‌ولێر ‌ به‌شداری له‌ پرسه‌ی خوالێخۆشبوو باوكی (دكتۆر محمه‌د حاجی) كرد و له‌لایه‌ن كه‌سوكاری خوالێخۆشبووه‌وه‌ به‌ گه‌رمی پێشوازی لێكرا.

دوای خوێندنی سوره‌تی فاتیحه‌، (مه‌سرور بارزانی) پر‌سه‌ و سه‌ره‌خۆشی خۆی ئاراسته‌ی بنه‌ماڵه‌ و كه‌سوكاریی خوالێخۆشبوو كرد و له‌ خوای گه‌وره‌ داواكار بوو خوالێخۆشبوو به‌ به‌هه‌شتی به‌رین شاد بكات و سه‌بووری و دڵنه‌وایش به‌ گشت لایه‌ك ببه‌خشێ و هیوای خواست كه‌ ئه‌مه‌ دوا كۆستی بنه‌ماڵه‌كه‌یان بێت.