مه‌سروور بارزانی: كورد دەیەوێ بە ئاشتیانە ریفراندۆم ئەنجام بدات
مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی له شاندێكی رێكخراوی مرۆیی سویسری (هیلسفسكۆنۆڤی كوردستان) كه‌نیسه‌ی كاپۆلیكی به سه‌رۆكایه‌تی قه‌شه ( ستیفان ستۆب) كرد، كه له ژماره‌یه‌ك پسپۆری بواری هاوكاری مرۆیی و سیاسه‌تمه‌دار و ریپۆرته‌ر پێكهاتبوو.
له دیدارێكدا، كه به ئاماده‌بوونی د. فه‌وزی قه‌دور نوێنه‌ری حكوومه‌تی هه‌رێمی كوردستان له سویسرا و موسا ئه‌حمه‌د جێگری به‌رپرسی ده‌زگای خێرخوازی بارزانی به‌ڕێوه‌چوو، تیشكخرایه سه‌ر هاوكارییه مرۆییه‌كانی، كه له‌لایه‌ن ئه‌م رێكخراوه له‌رێگه‌ی ده‌زگای خێرخوازی بارزانی پێشكه‌شی هه‌رێمی كوردستان كراوه و مه‌سروور بارزانی ئاماژه‌ی به‌و هاوكارییه مرۆییانه‌ی رێكخراوه‌كه و دابه‌شكردنی له‌رێگه‌ی ده‌زگای خێرخوازی بارزانی كرد، كه جێگه‌ی سوپاسه، هه‌روه‌ها باسی له كارو چالاكییه مرۆییه‌كانی ده‌زگای خێرخوازی بارزانی له ناو كوردستان و ده‌ره‌وه‌ی كرد، كه بێ جیاوازی هاوكارییه مرۆییه‌كانی دابه‌شی سه‌ر ئه‌وانه ده‌كات، كه پێویستیان به یارمه‌تی و هاوكارییه و رایگه‌یاند، ، ئامانجمانه ده‌زگای خێرخوازی بارزانی بكه‌ینه ده‌زگایه‌كی مرۆیی جیهانی بۆئه‌وه‌ی هاوكارییه مرۆییه‌كانی بگاته هه‌موو شوێنێكی جیهان.
هه‌روه‌ها باسی له كردنه‌وه‌ی ئه‌و سه‌نته‌ره‌ش كرد، كه له‌لایه‌ن زانكۆی ئه‌مه‌ریكا كوردستان له دهۆك به هاوكاری له‌گه‌ڵ ده‌زگای خێرخوازی بارزانی له كه‌مپی ئاواره‌كان كراوه‌ته‌وه بۆ یارمه‌تیدانی ئه‌وانه‌ی پێویستیان به دووباره ده‌ستپێكردنه‌وه‌ی ژیان هه‌یه.
له‌لای خۆیه‌وه قه‌شه ستیفان وێڕای سوپاسكردنی بۆ ره‌خساندنی ئه‌م دیداره، باسی له‌وه كرد، كه له‌ماوه‌ی ئه‌م سه‌ردانه‌یدا به چاوی خۆی گه‌یاندنی هاوكارییه مرۆییه‌كانی بینیووه، كه به‌رێكوپێكی گه‌یشتۆته ده‌ست ئه‌وانه‌ی پێویستیان هه‌یه و رایگه‌یاند، ده‌ستخۆشی له ده‌زگای خێرخوازی بارزانی ده‌كه‌م له چۆنیه‌تی دابه‌شكردنی هاوكارییه‌كان.
هه‌ر په‌یوه‌ست به‌وه راوێژكاری ئه‌نجوومه‌نی ئاسایشی هه‌رێمی كوردستان باسی له فه‌رهه‌نگی پێكه‌وه‌ژیان و لێبورده‌یی ئاینی و نه‌ته‌وه‌یی و له‌باوه‌شگرتنی نزیكه‌ی 2 ملیۆن ئاواره‌ی ناوچه‌كانی دیكه‌ی عێراق و وڵاتانی دراوسێ له هه‌رێمی كوردستان كرد و رایگه‌یاند، ئێمه هه‌میشه قوربانی توندوتیژی و زوڵم و زۆرداری بووینه، به‌ڵام له‌سه‌ر ئه‌و فه‌رهه‌نگه ره‌گداكوتاوه‌ی خۆمان به‌رده‌وامین و شانازیشی پێوه ده‌كه‌ین.
له به‌شێكی دیكه‌ی دیداره‌كه تیشكخرایه سه‌ر رووداوه‌كانی ناوچه‌كه و پێویستی پێداچوونه‌وه به داڕشتنه‌وه‌ی نه‌خشه‌ی ناوچه‌كه و پرۆسه‌ی ریفراندۆمی كوردستان، له‌و باره‌وه مه‌سروور بارزانی رایگه‌یاند، كورد ده‌یه‌وێ به شێوه‌یه‌كی ئاشتیانه ئه‌م پرۆسه‌یه ئه‌نجام بدات، هه‌رچه‌نده پێشتریش خه‌ڵكی كوردستان له پرۆسه‌یه‌كی هاوشێوه‌دا رای خۆی به ئاشكرا له‌سه‌ر ئه‌م بابه‌ته ده‌ربڕیووه.
له دیدارێكدا، كه به ئاماده‌بوونی د. فه‌وزی قه‌دور نوێنه‌ری حكوومه‌تی هه‌رێمی كوردستان له سویسرا و موسا ئه‌حمه‌د جێگری به‌رپرسی ده‌زگای خێرخوازی بارزانی به‌ڕێوه‌چوو، تیشكخرایه سه‌ر هاوكارییه مرۆییه‌كانی، كه له‌لایه‌ن ئه‌م رێكخراوه له‌رێگه‌ی ده‌زگای خێرخوازی بارزانی پێشكه‌شی هه‌رێمی كوردستان كراوه و مه‌سروور بارزانی ئاماژه‌ی به‌و هاوكارییه مرۆییانه‌ی رێكخراوه‌كه و دابه‌شكردنی له‌رێگه‌ی ده‌زگای خێرخوازی بارزانی كرد، كه جێگه‌ی سوپاسه، هه‌روه‌ها باسی له كارو چالاكییه مرۆییه‌كانی ده‌زگای خێرخوازی بارزانی له ناو كوردستان و ده‌ره‌وه‌ی كرد، كه بێ جیاوازی هاوكارییه مرۆییه‌كانی دابه‌شی سه‌ر ئه‌وانه ده‌كات، كه پێویستیان به یارمه‌تی و هاوكارییه و رایگه‌یاند، ، ئامانجمانه ده‌زگای خێرخوازی بارزانی بكه‌ینه ده‌زگایه‌كی مرۆیی جیهانی بۆئه‌وه‌ی هاوكارییه مرۆییه‌كانی بگاته هه‌موو شوێنێكی جیهان.
هه‌روه‌ها باسی له كردنه‌وه‌ی ئه‌و سه‌نته‌ره‌ش كرد، كه له‌لایه‌ن زانكۆی ئه‌مه‌ریكا كوردستان له دهۆك به هاوكاری له‌گه‌ڵ ده‌زگای خێرخوازی بارزانی له كه‌مپی ئاواره‌كان كراوه‌ته‌وه بۆ یارمه‌تیدانی ئه‌وانه‌ی پێویستیان به دووباره ده‌ستپێكردنه‌وه‌ی ژیان هه‌یه.
له‌لای خۆیه‌وه قه‌شه ستیفان وێڕای سوپاسكردنی بۆ ره‌خساندنی ئه‌م دیداره، باسی له‌وه كرد، كه له‌ماوه‌ی ئه‌م سه‌ردانه‌یدا به چاوی خۆی گه‌یاندنی هاوكارییه مرۆییه‌كانی بینیووه، كه به‌رێكوپێكی گه‌یشتۆته ده‌ست ئه‌وانه‌ی پێویستیان هه‌یه و رایگه‌یاند، ده‌ستخۆشی له ده‌زگای خێرخوازی بارزانی ده‌كه‌م له چۆنیه‌تی دابه‌شكردنی هاوكارییه‌كان.
هه‌ر په‌یوه‌ست به‌وه راوێژكاری ئه‌نجوومه‌نی ئاسایشی هه‌رێمی كوردستان باسی له فه‌رهه‌نگی پێكه‌وه‌ژیان و لێبورده‌یی ئاینی و نه‌ته‌وه‌یی و له‌باوه‌شگرتنی نزیكه‌ی 2 ملیۆن ئاواره‌ی ناوچه‌كانی دیكه‌ی عێراق و وڵاتانی دراوسێ له هه‌رێمی كوردستان كرد و رایگه‌یاند، ئێمه هه‌میشه قوربانی توندوتیژی و زوڵم و زۆرداری بووینه، به‌ڵام له‌سه‌ر ئه‌و فه‌رهه‌نگه ره‌گداكوتاوه‌ی خۆمان به‌رده‌وامین و شانازیشی پێوه ده‌كه‌ین.
له به‌شێكی دیكه‌ی دیداره‌كه تیشكخرایه سه‌ر رووداوه‌كانی ناوچه‌كه و پێویستی پێداچوونه‌وه به داڕشتنه‌وه‌ی نه‌خشه‌ی ناوچه‌كه و پرۆسه‌ی ریفراندۆمی كوردستان، له‌و باره‌وه مه‌سروور بارزانی رایگه‌یاند، كورد ده‌یه‌وێ به شێوه‌یه‌كی ئاشتیانه ئه‌م پرۆسه‌یه ئه‌نجام بدات، هه‌رچه‌نده پێشتریش خه‌ڵكی كوردستان له پرۆسه‌یه‌كی هاوشێوه‌دا رای خۆی به ئاشكرا له‌سه‌ر ئه‌م بابه‌ته ده‌ربڕیووه.
