ئیڤاریا ئه‌ڤرو 2013/6/4 به‌رێز مه‌سرور بارزانى ئه‌ندامێ مه‌كته‌با سیاسى یا پارتى دیموكراتى كوردستان ب سه‌ره‌دانه‌كێ گه‌هشته باژێرێ دهوكێ و هه‌ر ب گه‌هشتنا وى ژ ئالیێ پارێزگه‌رێ دهوكێ ته‌مه‌ر ره‌مه‌زان و به‌رپرسێن لقێن (1و8و9و18و20) یێن سنورێ پارێزگه‌ها دهۆكێ ڤه و هژماره‌كا كادرێن پێشكه‌فتى یێن پارتى ل سنورێ ده‌ڤه‌را بادینان ب گه‌رمى هاته پێشوازیكرن .
پتشى گه‌هشتنا جه‌نابێ وى ل ده‌مێ ئیڤارى ل هولا كونگره‌یان ل دهوكێ سمیناره‌ك بو هه‌ر پێنچ لقێن سنورێ ده‌ڤه‌را بادینان سازكر .
دڤێ سمینارێ دا چه‌ندین ته‌وه‌رێن سه‌ره‌كى هاتنه به‌حسكرن ژوان ره‌وشا هه‌رێما كوردستانێ ب گشتى و كێشا پروژێ ره‌شنڤیسێ ده‌ستورێ هه‌رێمێ و ره‌وشا ده‌ڤه‌را روژهه‌لاتا ناڤه‌راست و وه‌لاتێن ده‌ردور باسكرن .
سه‌باره‌ت پروسێسا ئاشتیێ ل باكورێ كوردستانێ مه‌سرور بارزانى پالپشتیا پارتى دیموكراتى كوردستان نیشادا و هیڤى خواست ئه‌ڤ هه‌وله ب ئه‌نجامێن باش ب داوى بگه‌هن، هه‌روه‌سا ل دور ره‌وشا به‌لاڤبونا هزرا توندره‌ویا مه‌زهه‌بى ل ده‌ڤه‌را روژهه‌لاتا ناڤه‌راست خویاكر كو كورد هیچ وه‌خته‌كى ئالیگرێن ڤێ ره‌وشێ نه‌بوینه .به‌لكو به‌رده‌وام گه‌لێ كورد و هه‌مى كوردستانى نمونه‌یا پێكڤه ژیانا نه‌ته‌وى و لى بوینه له‌وماژى ئه‌ڤروژى ئه‌ڤ جوره هه‌وله نه سه‌رگرتینه و نه سه‌ردگرن .
سه‌باره‌ت ته‌وه‌رێ پروژێ ده‌ستورێ هه‌رێما كوردستانێ و پێداگرتنا پارتى دیموكراتى كوردستان لسه‌ر راپرسیێ مه‌سرور بارزانى ته‌ئكید ل وێ چه‌ندێ كر كو پێداگرتنا پارتى لسه‌ر راپرسیێ پێداگرتنه ل پره‌نسیپێن یاسایێ و به‌ره‌ڤانیكرنه ژ مافێن خه‌لكێ كوردستانێ
ده‌رباره‌ى كێشه‌یێن هه‌لاویستى یێن نیڤ به‌را هه‌رێمێ و به‌غدادا مه‌سرور بارزانى رژدیا هه‌رێما كوردستانێ لسه‌ر چاره‌سه‌رى و ئێك لاكرنا هه‌مى وان كێشه‌و قه‌یرانێن هه‌ین ب رێكا دیالوكێ و لسه‌ر بنه‌مایێن ده‌رستورێ هه‌رده‌مى یێ ئیراقێ,و خویاكر هه‌ر لادانه‌ك ژ برگه و به‌ندێن ده‌ستورى دێ چاره‌نڤیسێ ئیراقێ و گه‌لێن وێ به‌ره‌ڤ ئاقاره‌كێ دیتر ڤه به‌ت .
ده‌رباره‌ى كێشه‌یێن هه‌لاویستى یێن نیڤ به‌را هه‌رێمێ و به‌غدادا مه‌سرور بارزانى رژدیا هه‌رێما كوردستانێ لسه‌ر چاره‌سه‌رى و ئێك لاكرنا هه‌مى وان كێشه‌و قه‌یرانێن هه‌ین ب رێكا دیالوكێ و لسه‌ر بنه‌مایێن ده‌رستورێ هه‌رده‌مى یێ ئیراقێ,و خویاكر هه‌ر لادانه‌ك ژ برگه و به‌ندێن ده‌ستورى دێ چاره‌نڤیسێ ئیراقێ و گه‌لێن وێ به‌ره‌ڤ ئاقاره‌كێ دیتر ڤه به‌ت .
هه‌ر دلایه‌كێ دى یێ ڤێ سمینارێ دا رێزدارێ بال كێشا سه‌ر گرنگى و هه‌ڤبه‌ندیا هه‌مى ئالى و پارتێن سیاسى یێن كوردستانێ و ئه‌ڤ چه‌نده ب گه‌ره‌نتیا پێشڤه‌چون و پاراستنا گه‌لێ مه زانى .
ل داویێ ده‌رفه‌ت بو به‌ژداربویێن سمینارێ هاته خوشكرن و چه‌ندێن پرس و راو بوچوون ئاراسته‌ى رێزدارى كرن ئه‌ویژى ژلایێ خوڤه ب راشكاوانه و ب سینگه‌گێ به‌رفره به‌رسڤا پرسێن وان دا و هیڤیا سه‌ركه‌فتن وپێشڤه‌چوونێ بو به‌ژداربویا خواست .
No comments:
Post a Comment