مه‌سروور بارزانى له‌گه‌ڵ ده‌رچوانى خولى 18ى ئه‌كادیمیاى پارتى دیموكراتى كوردستان كۆبوه‌وه‌

دوێنێ  چوارشەممە رێکەوتی 2013/11/20 مه‌سروور بارزانى رێوره‌سمێك بۆ رێزگرتن لە قوتابى و مامۆستایانی خولی 18ی پەیمانگای ئەکادیمیای پارتی دیموکراتی کوردستان رێكخست .

له‌ رێوڕه‌سمه‌كه‌دا، مه‌سرور بارزانی ئه‌ندامی مه‌كته‌بی سیاسی پارتی دیموكراتی كوردستان، پیرۆزبایی له‌ قوتابیانی ده‌رچووی خوله‌كه‌ كرد و سوپاسی هه‌وڵ و ماندوبوونی مامۆستایان و ده‌سته‌ی به‌ڕێوه‌بردنی ئه‌كادیمیای پارتی كرد.

دواتر له‌ وته‌یه‌كیدا، مه‌سرور بارزانی ئاماژه‌ی به‌ رۆڵی پارتی كرد له‌ پێشكه‌وتنی ئه‌زمونی هه‌رێمی كوردستان و رێكخستنه‌وه‌ی نێو ماڵی كورد، هه‌روه‌ها یه‌كگوتاری كوردی به‌ ئه‌وله‌ویاتی خه‌باتی نه‌ته‌وه‌ییانه‌ی پارتی له‌ قه‌ڵه‌مدا و تیشكی خسته‌ سه‌ر گرینگی به‌هێزبوونی پارتی بۆ به‌رده‌وامی و پێشخستنی ئه‌زموونی دیموكراسی هه‌رێم و گه‌یشتنی گه‌له‌كه‌مان به‌ گشت مافه‌ ره‌واكانی.

مه‌سرور بارزانی كاراتر بوونی رۆڵی كادیرانی پارتی له‌ نێو خه‌ڵكدا به‌ پێویستی قۆناغه‌كه‌ زانی و گوتی: فه‌لسه‌فه‌ی رێبازی بارزانی ئه‌وه‌یه‌ كه‌ كادیرانی پارتی له‌ ناو خه‌ڵك بن و ئاوێته‌ی خه‌م و ئازار و كێشه‌كانی جه‌ماوه‌ربن، فاكته‌ری سه‌ركه‌وتنه‌كانی پارتیشی بۆ به‌ پاڵپشتی جه‌ماوه‌ری كوردستان له‌ پارتی گه‌ڕانده‌وه‌.

دواتر قادر قه‌چاخ به‌رپرسی ئه‌كادیمیای پارتی به‌ ناوی قوتابیان و مامۆستایانه‌وه‌ سوپاسی هه‌وڵ و پاڵپشتیه‌ به‌رده‌وامه‌كانی (مه‌سرور بارزانی) كرد بۆ خوله‌ یه‌ك له‌ دوای یه‌كه‌كانی ئه‌كادیمیای كادیرانی پارتی. له‌ كۆتاییشدا، له‌ لایه‌ن (مه‌سرور بارزانی)ه‌وه‌ خه‌ڵاتی رێزلێنان به‌خشرایه‌ قوتابیان و مامۆستایانی خولی 18ی ئه‌كادیمیای پارتی، به‌ بۆنه‌ی كۆتاییهاتنی خوله‌كه‌.

مه‌سروور بارزانى به‌بۆنه‌ى جه‌ژنى ره‌مه‌زانى پیرۆز په‌یامێكی پیرۆزبایی ئاراسته‌ی موسڵمانانی كوردستان و جیهان كرد

بە بۆنەی هاتنەوەی جەژنی رەمەزانی پیرۆز، جوانترین پیرۆزبایی خۆم ئاراستەی كەسوكاری سەربەرزی شەهیدان و پێشمەرگە دڵسۆزەكان و كوردستانیانی هەر چوار پارچەی كوردستان و موسڵمانان بە گشتی و كوردستان بە تایبەتی دەكەم و لە خوای گەورە داواكارم نوێژ و رۆژو و نزای هەموو لایەكمان قبوڵ بكات. لەم كاتەدا ناوچەكە بە قۆناغێكی گرنگدا تێدەپەرێت و گۆرانكاری گەورە دێنە پێشەوە، كورد و كوردستانیش لە هاوكێشەی گۆرانكارییەكاندا رۆڵ و پێگەی كاریگەریان هەیە، ئێستا كورد بووەتە كاراكتەری گۆرانكارییەكان و وا پێویست دەكات خاوەن گوتارێكی روون و یەكگرتووبین، رێگەی دروستیش ئەوەیە بۆچوونە جیاوازەكان لە بۆتەی نیشتمانەكەماندا كۆ بكەینەوە و دڵسۆزانە كار بكەین بۆ سەر خستنی كۆنگرەی نەتەوەیی كورد. لێرەشەوە داوا لە هەموو خەڵكی كوردستان دەكەم دەستی هاوكاری زیاتر بۆ خوشك و براكانی رۆژئاوامان درێژ بكەن، تاكو كەمێك لە ئێش و ئازاریان كەمبكەینەوە و پشت بەخوا ئەوانیش لە ئایندەیەكی نزیكدا بە خێر و خۆشی دەگەرێنەوە سەر ماڵ و حاڵی خۆیان. هیوادارم جەژنمان لە سایەی ئاسایش و ئارامییە جێگیرەكەی كوردستاندا بەسەر ببەین و ئەم بۆنە پیررۆزەش بكەینە هەوێنی پێكەوەژیان و یەكتر قبوڵكردنی زیاتری نێوانمان.

دووبارە جەژنی رەمەزانتان پیرۆز.

مەسرور بارزانی
٧/ ٨ /٢٠١٣
----------------------------------------

Bi minasebeta hatina cejna remezana pîroz gerimtirîn pîrozbayiyên xwe pêşkêşî kesûkarên serbilind yên Şehîdan, pêşmergeyên dilsoz û Kurdistaniyên her çar parçeyên Kurdistanê Misilmanên Kurdistanê bi taybetî û yên Cîhanê bi giştî dikim û daxwaz ji xwedê mezin dikim ku, nimêj û rojiyên tevahiya me qebûl bike. Devera me bi qonax û pêvajoyeke gelek hesas de derbas dibe û guhertinên gelek girîng û mezin diqewmin û Kurd û Kurdistan jî xwedan role û pêgeheke gelek girîngin û niha Kurd bûye fakter û fîgora guhertinan lewre pêwîste Kurd bibe xwedan gotarekî yekgirtî û eşkere. Rêya rast jî ewe ku, nêrînên cuda li ser xal û mijarên netewî de kom bibin û em jî bi awayekî dilsoz û fedakarane kar bo serxistina kongreya netewî ya Kurd bikin. Liwir ez daxwaz ji tevahya xelkê Kurdistanê dikim ku, hîn zêdetir hevkariya xweşk birayên xwe yên li Rojawayê Kurdistanê de bikin daku, hinek ji êş û elemên wan kêm bikin û bi hêviya xwedê mezin ew jî di demeke nêz de bi xêr û xweşî wedigerin ser mal û axa xwe. Hêvî dikim cejina me di bin siya asayîş û aramiya heyî ya li Kurdistanê de derbas bikin û ev minasebeta han ya pîroz bikin hevîna bihevre jiyan
û yektir qebûlkirina zêdetir ya di navbera me de.

Dubare cejna remezanê li we pîroz dikim

Mesrûr Barzanî

7/8/2013

مه‌سروور بارزانى پێشوازى له‌ بالیۆزى سربیا له‌ عێراق و شاندێكى یاوه‌رى كرد

ئه‌مرۆ 2013/7/7 مه‌سروور بارزانى راوێژكارى ئه‌نجوومه‌نى ئاسایشى هه‌رێمى كوردستان پێشوازى له‌ رادیساف پێترۆڤیچ بالیۆزى سربیا له‌ عێراق و شاندێكى یاوه‌رى كرد.

له‌ دیدارێكدا په‌یوه‌ندیه‌كانى نێوان هه‌رێمى كوردستان و سربیا گفتوگۆكران و هه‌روه‌ها ئه‌وه‌ش دووپاتكرایه‌وه‌ كه‌ ئاستى په‌یوه‌ندیه‌كانى نێوان هه‌ردوولا له‌ هه‌موو بوارێكدا به‌رز بكرێته‌وه‌ و وڵاتى سربیاش كۆنسولخانه‌ى فه‌رمى خۆى له‌ هه‌رێمى كوردستان بكاته‌وه‌ كه‌ ئێستا كۆنسڵى فه‌خریان له‌ هه‌رێم هه‌یه‌.

له‌لایه‌ن خۆیه‌وه‌ باڵیۆزى سربیا له‌ عێراق كه‌ش و هه‌واى ئارامى هه‌رێمى كوردستانى به‌رز نرخاند و ئاماژه‌ى به‌وه‌ كرد كه‌ ئه‌و كه‌ش و هه‌وایه‌ى هه‌رێم هانده‌ره‌ بۆ كۆمپانیاكان كه‌ بێن له‌ هه‌رێم وه‌به‌رهێنان بكه‌ن و له‌ هه‌مان كاتدا هانده‌رێكیشه‌ بۆ حكوومه‌تى سربیا كه‌ هانى كۆمپانیاكانى خۆى بدات بێنه‌ هه‌رێمى كوردستان و به‌شدارى له‌ پێشه‌وه‌بردن و ئاوه‌دانكردنه‌وه‌ى هه‌رێم و وه‌به‌رهێنان له‌ هه‌رێم بكه‌ن.

باڵیۆزى سربیا هه‌روه‌ها ئه‌وه‌شى دووپاتكرده‌وه‌ كه‌ ره‌وشى ئارامى ئاسایشى هه‌رێمى كوردستان نموونه‌یه‌ له‌ ناوچه‌كه‌ و پێویسته‌ هه‌موو عێراق سودى لێ وه‌رگرێت و ئه‌و ئه‌زموونه‌ى هه‌رێم له‌ هه‌موو ده‌ڤه‌ره‌ جیاجیاكانى عێراق پێڕه‌و بكرێت.

له‌لایه‌ن خۆیه‌وه‌ مه‌سروور بارزانى خۆشحاڵى خۆى بۆ به‌رده‌وامى په‌یوه‌ندیه‌كانى نێوان هه‌رێمى كوردستان و سربیا پیشاندا و هیواى خواست كه‌ ئه‌م په‌یوه‌ندیانه‌ له‌سه‌ر ئاستى سیاسى و ئابوورى و هه‌موو بواره‌كان بۆ خزمه‌تى پێشكه‌وتنى هه‌ردوو گه‌لى كورد و سربى و گه‌لى عێراق به‌شێوه‌یه‌كى گشتى توندوتۆڵتر بكرێ و هه‌روه‌ها هیواشى خواست به‌ هاوكارى هه‌ردوولا ناوچه‌كه‌ ئارامى و سه‌قامگیرى زیاتر به‌خۆیه‌وه‌ ببینێت به‌شێوه‌یه‌ك پێشكه‌وتن بۆ هه‌موو لایه‌ك گارانتى بكات. گفتوگۆكردن و باسكردنى سه‌ردانى شاندى ئابوورى و سیاسى هه‌رێمى كوردستان بۆ سربیا و هه‌روه‌ها له‌ به‌رامبه‌ریشدا سه‌ردانى شاندى سربیا بۆ هه‌رێمى كوردستان و سود وه‌رگرتن له‌ ئه‌زموونى سربیا له‌ هه‌موو بواره‌كاندا؛ لایه‌نێكى دیكه‌ى دیداره‌كه‌ بوو.

مەسرور بارزانی پیشوازیی لە سەفیری فەرەنسی لە عێراق کرد

کوردستان نابێتە بەشێک لە ململانێ تایفی و مەزهەبییەکانی ناوچەکە

ئێوارەی ئەمرۆ 2013/6/10 مەسرور بارزانی راوێژکاری ئەنجوومەنی ئاسایشی هەرێمی کوردستان پیشوازیی لە  دێنی گۆیەغ (Denis Gauer) سەفیری فەرەنسا لە عێراق و ئالان گوێپخات (Alain Guepratte) کونسولی گشتی فەرەنسا لە هەرێم کرد.

لە دانیشتنێکدا هەردوولا ویستی خۆیان بۆ پەرەپێدانی پەیوەندیی دوولایەنە خستە ڕوو، سەفیری فەرەنسی ئاماژەی بەوەدا کە فەرەنسا گرینگی بە پێگەی هەرێم لە دەڤەرەکەدا دەدات و بۆیە دەخوازێت پەیوەندییەکانی لەگەڵ هەرێمدا بەردەوام پێشکەوتنی زیاتر بەخۆوە ببینێت و رۆڵێکی هاریکار ببێنێت بۆ پێشکەوتنە هەمەلایەنەکانی هەرێمی کوردستان.

هەروەها سەفیری فەرەنسی ئاواتی خواست ناوچەکانی دیکەی عێراقیش لە شێوەی هەرێم ئارامی و سەقامگیری بەخۆیەوە ببینێت و ئاماژەی بەوەدا کە سەرکەوتنی هەریم لە بواری سەقامگیرکردنی ئاسایشدا جێگەی دەستخۆشییە و دەبیت ئەم ئەزموونە سەرکەوتووە بۆ ناوچەکانی دیکە بگوازرێتەوە.

لە میانەی دیدارەکەدا مەسرور بارزانی رۆڵی فەرەنسای لە هاوکێشەکانی ناوچەکە و بە ئاشتیانە چارەسەرکردنی پرسەکان بە گرنگ پێناسە کرد و ئاواتی خواست کۆمەڵگای نێودەوڵەتی رۆڵێکی کاراتر بگێرن بۆ چارەسەریی گشت کێشەکانی ناوچەکە و کۆتایی هێنان بە گرژییەکان.

هەر لە پەیوەست بە کێشەکانی ئەم دەڤەرە مەسرور بارزانی ئاماژەی بەوەدا کە گرژییەکانی سوریا و وڵاتانی دەورووبەری خەریکە دەکەوێتە قاڵبی ململانێی مەزهەبی و تایفی و ئەمەش جێگەی مەترسییە،  بۆیە کوردستان نابێتە بەشێک لەو ملمنلانێیە و بەڵکو هەوڵی ڕەواندنەوەی ئەو مەترسیانە دەدات.

لە کۆتایی دیدارەکەدا مەسرور بارزانی تیشکی خستە سەر ئەوەی کە پرسی کورد لەم ناوچەیەدا چیتر نابێت وەک کێشە سەیر بکرێت و بەڵکو کورد فاکتەری سەقامگیرین لە دەڤەرەکەدا. 

مەسرور بارزانی پێشوازى له‌ سه‌فیرو کونسولی ژاپۆن لە عێراق و هەرێم کرد

ئێوارەی ئەمرۆ یه‌كشه‌ممه‌ 2013/6/9، مەسرور بارزانی راوێژکاری ئەنجومەنی ئاسایشی هەرێمی کوردستان پێشوازیی لە بەرێزان ماساتۆ تاکائۆکا سەفیری ژاپۆن لە عێراق و ئازاد باجگر کونسولی فەخریی ژاپۆن لە هەرێم و تسویۆشی ئاندۆ سکرتێری سێیەمی سەفارەت کرد.

لە سەرەتای دیدارەکەدا سەفیری ژاپۆن خۆشحالی خۆی بەرامبەر بە پێشکەوتنەکانی هەرێم دەربڕی و ئاماژەی بەوەدا کە ئارامی وسەقامگیریی هەرێم فاکتەرێکی سەرەکییە بۆ هاندانی بازرگان و خاوەنکارە ژاپۆنیەکان تاکو وەبەرهێنان لە هەرێمدا بکەن. 

هەر لە پەیوەندی بە بابەتی ئارامی و ئاسایشی هەرێم ، سەفیری ژاپۆن رۆلی ئەنجومەنی ئاسایشی هەرێمی بەرز نرخاند و ئاواتی پێشکەوتنی بەردەوامی بۆ هەرێم خواست. 

هەر لە میانەی دیدارەکەدا ئاماژەی بەوەدا کە گەلی کورد و گەلی ژاپۆن خالی وێکچوویان لە مێژووی سەختی خۆیاندا هەیە کە دیارترینیان هیرۆشیما وهەلەبجەن ئەم ئەزموونە ترادیجییە بۆ هەموو گەلانی دونیا وانەیەکە تاکو هاندەری زیاتری ئاشتی و پێکەوە ژیان بن.

لەم دیدارەدا مەسرور بارزانی جەختی لە سەر پێویستیی بەهێزکردنی پەیوەندییەکانی هەرێم و ژاپۆن کردەوە و ئاماژەی بەوەدا کە گەلی کورد بە رێزەوە و وەک گەڵێکی بە ئیرادە سەیری گەلی ژاپۆن دەکەن کە توانیان دوای وێرانییەکانی جەنگەکانی سەدەی رابردوو لە ماویەکی کەمدا ببن بە وڵاتێکی هەرە پێشکەوتووی جیهان. بەرێزیان ئاواتی خواست کە لەم دەڤەرەدا سوود لە ئەزموونی ژاپۆن وەربگیرێت. 

لە بارەی پێگەی کورد لە دەڤەرەکەدا ، مەسرور بارزانی ئاماژەی بەوەدا کە هەرێمی کوردستان نەک تەنیا هەوڵی لێکنزیککردنەوە و یەکریزی گەلانی کوردستان دەدات بەڵکو دەخوازێت ببێت بە فاکتەری لێک نزیککردنەوەی سەرجەم گەلان و ئایین و ئایینزاکانی دەڤەرەکە و کورد لەم بوارەشدا ئەزموونی هەیە چونکە بەردەوام کوردستان شوێنی پێکەوە ژیانی لە خۆ بوردەیی بووە.

لە کۆتایی دیدارەکەدا لە پەیوەست بە کێشەی سوریا وگرژییەکانی دەڤەرەکە، مەسرور بارزانی ئاواتی خواست کە کۆمەڵگای نێودەوڵەتی کاراتر هەوڵ بدەن بۆ کۆتایی هێنان بە خوێنرشتن و گرژی و پاڵپشتی لە هێزە میانرۆکان بکەن تاکۆ ئاشتی و تەبایی لە ناوچەی رۆژهەلاتی ناڤین جێگیر ببێت.

دهۆك .. مه‌سروور بارزانى له‌ سیمینارێك دا پرسی ده‌ستوور و ره‌وشی هه‌رێمی كوردستان و ناوچه‌كه‌ شیكرده‌وه‌

د رۆژا دووێ یا سه‌ره‌دانا خودا بو پارێزگه‌ها دهۆكێ ، (مه‌سرو بارزانى) ئه‌ندامێ مه‌كته‌با سیاسى یا (پ-د-ك) دگه‌ل زانایێن ئولى و ماموستایێن زانكویێ وكادرێن رێكخراوێن جه‌ماوه‌رى ل سنۆرێ هه‌ر (5) پێنج لقێن ده‌ڤه‌را به‌هدینان ل هولا كونگره‌یان ل دۆر ره‌وشا ئه‌ڤرو یا هه‌رێما كوردستانێ سێمیناره‌ك پێشكێشكر. 

دسێمینارێ دا مه‌سرو بارزانى خوشحالیا خو بسه‌ره‌دانا ڤێ ده‌ڤه‌را كورد په‌روه‌ر نیشاندا وچه‌ندین ته‌وه‌رێن گرنگ ل سه‌ر ره‌وشا نافخویا كوردستانێ وده‌ڤه‌رێ به‌حسكرن . ده‌رباره‌ى پرۆژى ده‌ستورێ هه‌رێما كوردستانێ ، مه‌سرو بارزانى خویاكر كو پارتى هه‌قه‌ شانازیێ ب هه‌لویستێ خو بكه‌ت چونكى به‌ره‌ڤانیكرنا پارتى ژ ئێخستنا پرۆژێ ده‌ستورێ هه‌رێمێ بو ڕیفراندومێ به‌ره‌ڤانیكرنه‌ ژ پرنسیپێن یاسایى وپاراستنا مافێن تاكه‌كه‌سى یێن ته‌ڤایا خه‌لكێ كوردستانێ بێ گوهدانا ڕاو بوچونێن َ ئالیه‌كێ یان بیروبوچونه‌كا سیاسى یا تایبه‌ت . 

دلایه‌كێ دى دا مه‌سرو بارزانى ل سه‌ر شێوازێ سیسته‌مێ حوكمرانیێ كوردستانێ ئاخفت و گوت ئه‌و كه‌سێن ڤى سیسته‌مێ هه‌رێمێ ب سه‌روكاتى ل قه‌له‌م دده‌ن یا پروژێ ده‌ستورێ هه‌رێمێ نه‌خاندیه‌ یان ژى وه‌كو دیار هنده‌ك مه‌ره‌مێن سیاسى یێن ڤه‌شارتى ل پاش ڤان داخویانیێن وان دا هه‌نه‌ وجۆرێ سیسته‌مێ هه‌رێمێ هه‌ر وه‌كو ب روونى دپروژێ ده‌ستورى دا هاتى ب سیسته‌مه‌كێ په‌رله‌مانى كومارى دیموكراسى دا زانین . 

دیسان هن ته‌وه‌رێن دى یێن گرنگ ژى به‌حسكرن ژوانا زاراڤێ (سازانا نیشتیمانى) كو ل ڤێ دوماهیێ هنده‌ك ئالیێن سیاسى رۆژانه‌ بازارى پێدكه‌ن وئه‌ڤ چه‌نده‌ بتنێ وه‌ك رێكه‌ك بو بجهئینانا مه‌ره‌مێن وان یێن سیاسى ل قه‌له‌م دا . 

هه‌روه‌سا وه‌ك مزگینیه‌ك گرنگ بو خه‌لكێ پارێزگه‌ها دهۆكێ مه‌سرو بارزانى راگه‌هاند كو ره‌زامه‌ندیێن پێدڤى هاتینه‌ وه‌رگرتن بو دامه‌زراندنا زانكویه‌كا گرنگ ب ناڤێ زانكویا ئه‌مریكى ل دهۆكێ و هێڤى خواست كو ئه‌ڤ زانكویه‌ ببیته‌ ده‌رگه‌هه‌ك گرنگ بو پێشخستنا ئاستێ زانست و زانینى ل كوردستانێ و ئیراقێ بگشتى و ل ده‌ڤه‌را دهۆكێ ب تایبه‌تى . 

ل داویێ ده‌رگه‌هێ دان و ستاندنا بو به‌شداربویێن سێمینارێ هاته‌ ڤه‌كرن وچه‌ندین كه‌سا ب راو بوچونێن خو به‌شدارى د ده‌وله‌مه‌ندكرنا بابه‌تێن وێ دا كر.

دهوك .. مه‌سرور بارزانى كومبونه‌ك دگه‌ل كادرێن پێشكه‌فتى یێن پارتى ل سنورێ ده‌ڤه‌را بادینان سازكر

ئیڤاریا ئه‌ڤرو 2013/6/4 به‌رێز مه‌سرور بارزانى ئه‌ندامێ مه‌كته‌با سیاسى یا پارتى دیموكراتى كوردستان ب سه‌ره‌دانه‌كێ گه‌هشته‌ باژێرێ دهوكێ و هه‌ر ب گه‌هشتنا وى ژ ئالیێ پارێزگه‌رێ دهوكێ ته‌مه‌ر ره‌مه‌زان و به‌رپرسێن لقێن (1و8و9و18و20) یێن سنورێ پارێزگه‌ها دهۆكێ ڤه‌ و هژماره‌كا كادرێن پێشكه‌فتى یێن پارتى ل سنورێ ده‌ڤه‌را بادینان ب گه‌رمى هاته‌ پێشوازیكرن .

پتشى گه‌هشتنا جه‌نابێ وى ل ده‌مێ ئیڤارى ل هولا كونگره‌یان ل دهوكێ سمیناره‌ك بو هه‌ر پێنچ لقێن سنورێ ده‌ڤه‌را بادینان سازكر .

دڤێ سمینارێ دا چه‌ندین ته‌وه‌رێن سه‌ره‌كى هاتنه‌ به‌حسكرن ژوان ره‌وشا هه‌رێما كوردستانێ ب گشتى و كێشا پروژێ ره‌شنڤیسێ ده‌ستورێ هه‌رێمێ و ره‌وشا ده‌ڤه‌را روژهه‌لاتا ناڤه‌راست و وه‌لاتێن ده‌ردور باسكرن .

سه‌باره‌ت پروسێسا ئاشتیێ ل باكورێ كوردستانێ مه‌سرور بارزانى پالپشتیا پارتى دیموكراتى كوردستان نیشادا و هیڤى خواست ئه‌ڤ هه‌وله‌ ب ئه‌نجامێن باش ب داوى بگه‌هن، هه‌روه‌سا ل دور ره‌وشا به‌لاڤبونا هزرا توندره‌ویا مه‌زهه‌بى ل ده‌ڤه‌را روژهه‌لاتا ناڤه‌راست خویاكر كو كورد هیچ وه‌خته‌كى ئالیگرێن ڤێ ره‌وشێ نه‌بوینه‌ .به‌لكو به‌رده‌وام گه‌لێ كورد و هه‌مى كوردستانى نمونه‌یا پێكڤه‌ ژیانا نه‌ته‌وى و لى بوینه‌ له‌وماژى ئه‌ڤروژى ئه‌ڤ جوره‌ هه‌وله‌ نه‌ سه‌رگرتینه‌ و نه‌ سه‌ردگرن .

سه‌باره‌ت ته‌وه‌رێ پروژێ ده‌ستورێ هه‌رێما كوردستانێ و پێداگرتنا پارتى دیموكراتى كوردستان لسه‌ر راپرسیێ مه‌سرور بارزانى ته‌ئكید ل وێ چه‌ندێ كر كو پێداگرتنا پارتى لسه‌ر راپرسیێ پێداگرتنه‌ ل پره‌نسیپێن  یاسایێ و به‌ره‌ڤانیكرنه‌ ژ مافێن خه‌لكێ كوردستانێ
ده‌رباره‌ى كێشه‌یێن هه‌لاویستى یێن نیڤ به‌را هه‌رێمێ و به‌غدادا مه‌سرور بارزانى رژدیا هه‌رێما كوردستانێ لسه‌ر چاره‌سه‌رى و ئێك لاكرنا هه‌مى وان كێشه‌و قه‌یرانێن هه‌ین ب رێكا دیالوكێ و لسه‌ر بنه‌مایێن ده‌رستورێ هه‌رده‌مى یێ ئیراقێ,و خویاكر هه‌ر لادانه‌ك ژ برگه‌ و به‌ندێن ده‌ستورى دێ چاره‌نڤیسێ ئیراقێ و گه‌لێن وێ به‌ره‌ڤ ئاقاره‌كێ دیتر ڤه‌ به‌ت .

هه‌ر دلایه‌كێ دى یێ ڤێ سمینارێ دا رێزدارێ بال كێشا سه‌ر گرنگى و هه‌ڤبه‌ندیا هه‌مى ئالى و پارتێن سیاسى یێن كوردستانێ و  ئه‌ڤ چه‌نده‌ ب گه‌ره‌نتیا پێشڤه‌چون و پاراستنا گه‌لێ مه‌ زانى .

ل داویێ ده‌رفه‌ت بو به‌ژداربویێن سمینارێ هاته‌ خوشكرن و چه‌ندێن پرس و راو بوچوون ئاراسته‌ى رێزدارى كرن ئه‌ویژى ژلایێ خوڤه‌ ب راشكاوانه‌ و ب سینگه‌گێ به‌رفره‌ به‌رسڤا پرسێن وان دا و هیڤیا سه‌ركه‌فتن وپێشڤه‌چوونێ بو به‌ژداربویا خواست .

WTARI ZOR BAREZ JANABI SEROK BARZANI AHANGI YADI 37SALAY SHORSHI GULAN H...

به‌ ئاماده‌بوونى سه‌رۆك بارزانى و به‌شداریى ده‌یان هه‌زار كه‌س كه‌رنه‌ڤاڵى یادى 37 ساڵه‌ى شۆڕشى گوڵان به‌ڕێوه‌چوو

ئێڤاریا ئیرۆ 2013/5/26 ل باژێرێ هه‌ولێرێ ب ئاماده‌بوونا سه‌رۆك مه‌سعود بارزانى و هه‌ژماره‌كه‌ ئه‌ندامێن مه‌كته‌با سیاسی و سه‌ركردایه‌تیێ و به‌رپرسیارێن بلند یێن پارتى یا ده‌موكراتا كوردستانێ و به‌شدارى كرنا ده‌هان هه‌زار كه‌سان، كه‌رنه‌ڤاڵا بیرئانینا 37ـه‌مین ساڵڤه‌گه‌را پێخستنا شۆره‌شا گولانا پێشده‌چۆن خوازا نیشتیمانى هاته‌ رێخستن .

له‌و كه‌رنه‌ڤاڵه‌دا سه‌رۆك مه‌سعوود بارزانى گووته‌یه‌كى پێشكه‌ش كرد و تیایدا پیرۆزبایى ساڵڕۆژى هه‌ڵگیرسانى شۆڕشى گوڵانى له‌ جه‌ماوه‌ر كرد و ڕایگه‌یاند شۆڕِشى گوڵانى پێشكه‌وتنخوازى نیشتمانى درێژه‌ پێده‌رى شۆڕشى مه‌زنى ئه‌یلوله‌ . 

ڕاشیگه‌یاند كه‌ خه‌باتى گه‌له‌كه‌مان خه‌باتێكى دوور و درێژه‌ و خه‌باتى گه‌له‌كه‌مان هه‌وراز و نشێوى زۆرى به‌ خۆیه‌وه‌ بینیوه‌ و ئه‌و گه‌له‌ قوربانى زۆرى له‌ پێناو به‌ ده‌ست هێنانى مافه‌كانى داوه‌و سه‌لماندوویه‌تى كه‌ مییلله‌تێكى زیندووه‌ و به‌ كیمیایى و ئه‌نفال له‌ناو ناچێت، ئێستاش كاتى ئه‌وه‌یه‌ به‌ره‌و لوتكه‌ خۆمان ئاماده‌ بكه‌ین. هه‌ر له‌ گووتاره‌كه‌یدا سه‌رۆك بارزانى باسى له‌ پرۆژه‌ى ده‌ستوور كرد و رایگه‌یاند قسه‌كردن له‌ سه‌ر ده‌ستوور كه‌ گرێبه‌ستێكى كۆمه‌ڵایه‌تیه‌ ناكرێ تێكه‌ڵ به‌ به‌رژه‌وه‌ندى حزبى بكرێت، پڕۆژه‌ى ده‌ستوورى هه‌رێمى كوردستان حه‌وت ساڵ كارى له‌ سه‌ر كراوه‌ و ئاماده‌ كراوه‌ و ڕاوبۆچوونى شاره‌زایانى له‌ سه‌ر وه‌رگیراوه‌ و سوود له‌ ده‌ستوور چل وڵات وه‌رگیراوه‌ و هاوكات سیى و شه‌ش حزبى سیاسى پاڵپشتیان كردووه‌ و نه‌وه‌د و شه‌ش  له‌ ئه‌ندامانى په‌رله‌مانتاران ده‌نگیان بۆ پڕۆژه‌ ده‌ستووره‌ داوه‌ و ده‌ستوورێكى كه‌م وێنه‌یه‌ و ته‌واوى قۆناغه‌ یاساییه‌كانى بڕِیوه‌ و جگه‌ له‌وه‌ ڕه‌شنووسى ده‌ستوور كارى په‌رله‌مان نه‌بووه‌ تاوه‌كو بۆ هه‌مواركردن بۆى بگه‌ڕێته‌وه‌ و په‌رله‌مان ته‌نها ده‌نگى بۆ داوه‌ .

سه‌رۆك ڕاشیگه‌یاند پێشمه‌رگه‌یاتى بۆ من له‌ هه‌موو پله‌وپایه‌ك به‌رزتره‌. ڕاشیگه‌یاند پرسى پڕۆژه‌ى ده‌ستوور هه‌رێمى كوردستان ده‌بێت گه‌ل بڕیارى له‌ سه‌ر بدات  سه‌باره‌ت به‌ شێوه‌ى هه‌ڵبژاردنه‌كانیش سه‌رۆك بارزانى ڕایگه‌یاند ئێمه‌ ده‌مانه‌وێت شێوه‌ى نیمچه‌ كراوه‌یى هه‌بێت.

هه‌ر له‌ گووتاره‌كه‌یدا سه‌رۆك بارزانى ڕۆشنایى خسته‌ سه‌ر ڕه‌وشى عێراق و ڕایگه‌یاند بارى ئه‌منى عێراق زۆر ئاڵۆزه‌ و ڕۆژانه‌ كه‌سانێكى بێ گوناه شه‌هید ده‌بن و هاوكات ده‌ستوور هه‌میشه‌یى عێراق بنه‌ماى چاره‌سه‌ركردنى كێشه‌كانى عێراقه‌.

سه‌باره‌ت به‌ كێشه‌كانى نێوان هه‌ولێر و به‌غداش سه‌رۆك ڕایگه‌یاند ئومێده‌وارین دواى سه‌ردانى شانده‌كانى هه‌ردوولا كێشه‌كان چاره‌سه‌ر ببن. سه‌باره‌ت به‌ پرۆسه‌ى ئاشتیش له‌ توركیا سه‌رۆك بارزانى ڕایگه‌یاند ئێمه‌ به‌ هه‌ردوولامان ڕاگه‌یاندووه‌ كه‌ پشتگیرى پرۆسه‌كه‌ ده‌كه‌ین .

مه‌سرور بارزانى: پڕۆژه‌ ده‌ستووری هه‌رێم قۆناغه‌ یاساییه‌كانی تێپه‌ڕاندووه‌ و هیچ لایه‌نێك ده‌سه‌ڵاتی نییه‌ بگه‌ڕێنێته‌وه‌ په‌رله‌مان

ئیرۆ 2013/5/22 ل هۆلا شه‌هید سه‌عد عه‌بدوللا ب ئاماده‌بوونا هه‌ژماره‌كه‌ به‌ربچاڤ ژ مامۆستا و قوتابى یێن زانینگه‌ه و په‌یمانگه‌هێن كوردستانێ؛ ل ژێر ناڤێ داوین ره‌وشا سیاسى یا هه‌رێم و ده‌ڤه‌رێ؛ مه‌سرور بارزانى داوین پێشده‌چوون و پێشهاتێن هه‌رێما كوردستان و عێراقێ ژبۆ ئاماده‌بوویان شروڤه‌كر

له‌ ده‌سپێكی سیمیناره‌كه‌دا به‌ڕێز مه‌سروور بارزانی خۆشحاڵی خۆی نیشاندا، كه‌ ئه‌مڕۆ له‌گه‌ڵ توێژێكی وه‌ك مامۆستا و قوتابی زانكۆ و په‌یمانگاكانی هه‌ولێر له‌ نزیكه‌وه‌ ئاڵۆگۆڕی بیروڕا بكه‌ن

له‌ به‌شێكی قسه‌كانیدا ئاماژه‌ی به‌وه‌دا پڕۆژه‌ ده‌ستووری هه‌رێمی كوردستان قۆناغه‌ یاساییه‌كانی خۆی تێپه‌ڕاندووه‌ و هیچ كه‌س و لایه‌نێك ده‌سه‌ڵاتی ئه‌وه‌ی نییه‌ پرۆژه‌ ده‌ستوری هه‌رێمی كوردستان بگه‌ڕێنێته‌وه‌ په‌رله‌مان ، مه‌سروور بارزانی له‌باره‌ی هه‌ر هه‌وڵێك بۆ راگرتنی پرۆژه‌ ده‌ستوری هه‌رێمی كوردستان ئاماژه‌ی به‌وه‌ كرد، ساڵی 2009 كه‌سایه‌تیه‌كی سیاسی له‌ دادگای ده‌ستووری عێراق سكاڵای له‌سه‌ر ئه‌و پرۆژه‌ ده‌ستوورییه‌ی هه‌رێمی كوردستان تۆمار كرد،  به‌ڵام وه‌ڵامی دادگاكه‌ ئه‌وه‌ بوو، كه‌ پرۆژه‌كه‌ قۆناغه‌ یاساییه‌كانی خۆی تێپه‌ڕاندووه‌ و هیچ گرفتێكی یاسایی نییه‌ .

له‌ باره‌ی شێوازی هه‌ڵبژاردنه‌كان له‌ هه‌رێمی كوردستان مه‌سروور بارزانی گوتی: وه‌ك پارتی لاریمان نییه‌ له‌وه‌ی لیستی داخرا و بێت یا نیمچه‌ كراوه‌ بێت و ئه‌وه‌ په‌یوه‌ندی به‌ توانای لۆجستی كۆمیسیۆنی باڵای سه‌ربه‌خۆی هه‌ڵبژاردنه‌كانه‌وه‌ هه‌یه‌ .

له‌باره‌ی كۆده‌نگی نیشتمانی له‌ سه‌ر پڕۆژه‌ی ده‌ستووری هه‌رێمی كوردستان، مه‌سروور بارزانی گوتی: رێككه‌وتنی سیاسی نێوان حزبه‌ سیاسیه‌كان، سازانی نیشتمانی نییه‌، به‌ڵكو ده‌نگی زۆرینه‌ و رای خه‌ڵكی كوردستان سازانی نیشتمانییه‌.


دواتر مه‌سروور بارزانی باسی كاریگه‌ری گۆڕانكارییه‌كانی ناوچه‌كه‌ی كرد، به‌و ئاڕاسته‌یی به‌شێكه‌ له‌ ده‌رفه‌ت بۆ نه‌ته‌وه‌یی كورد و ئاماده‌گی خه‌ڵكی كوردستان و هێزه‌ سیاسیه‌كانی كوردستانی به‌ هه‌نگاوێكی بایه‌خدار زانی تاكو سوود له‌و ده‌رفه‌ته‌ وه‌ربگیرێت، له‌ڕوانگه‌یشه‌وه‌ ئاماژه‌ی به‌وه‌ كرد، ده‌بێ هه‌موو پێكه‌وه‌ به‌ هه‌موو بیرو بۆچوونی جیاواز یه‌كڕیزی و یه‌كهه‌ڵوێستی بپارێزین بۆ ئه‌وه‌ی پێگه‌ی به‌هێزی كورد به‌ به‌رچاویی بمێنێته‌وه‌.

خاڵی به‌هێزی پێگه‌ی هه‌رێمی كوردستان له‌ دیدی به‌ڕێز مه‌سروور بارزانیه‌وه‌ بریتی بوو، له‌ڕووی سیاسیه‌وه‌ یه‌كڕیزی و یه‌كده‌نگی و یه‌كگوتاری بپارێزرێت و په‌ره‌ی پێبدرێت، هه‌روه‌ها له‌ڕووی سه‌ربازییشه‌وه‌ پشتیوانی هێزه‌كانی پێشمه‌رگه‌ و دامه‌زراوه‌ ئه‌منیه‌كان بین و پاڵپشتی حكوومه‌ت بین بۆ ئه‌وه‌ی بنه‌مایه‌كی به‌هێزی ئابووری بچه‌سپێت. مه‌سروور بارزانی وه‌ك ئاماژه‌یه‌ك بۆ پێشكه‌وتنی دیموكراسی و رێزگرتن له‌ مافی مرۆڤ له‌ كوردستان ته‌ئكیدی له‌وه‌ كرده‌وه‌، پێویسته‌ رێز له‌ مافی مرۆڤ زیاتر بگیرێت بۆ ئه‌وه‌ی هه‌موو دنیا بزانێت ئێمه‌ وه‌ك نه‌ته‌وه‌یه‌كی زوڵملێكراو و مافخوراو ئاشتیخوازین.

له‌ ته‌وه‌رێكی دیكه‌ی سیمنیاره‌كه‌دا به‌ڕێز مه‌سروور بارزانی جه‌ختی له‌سه‌ر ئه‌وه‌ كرده‌وه‌ پڕۆسه‌ی پێشكه‌وتن له‌ هه‌رێمی كوردستان به‌رده‌وامه‌ و له‌مباره‌یشه‌وه‌ گوتی: كورد هۆكارێكی به‌رچاو بووه‌ له‌ سه‌قامگیری ناوچه‌كه‌.

مه‌سروور بارزانى: پرۆژه‌ى ده‌ستوورى هه‌رێم قوناغه‌ یاساییه‌كانى بڕیوه‌ و ته‌نیا بڕیارى جه‌ماوه‌رى ماوه‌

ئێواره‌ى ئه‌مڕۆ له‌ كۆڕێكى سیاسیدا كه‌ ئه‌نجوومه‌نى سه‌ركردایه‌تى پارێزگاى هه‌ولێرى پارتى دیموكراتى كوردستان ڕێكیخستبوو , مه‌سروور بارزانى چه‌ندین ته‌وه‌رى په‌یوه‌ندیدار به‌ ئێستا و ئاینده‌ى هه‌رێمى كوردستان و عێراق و ناوچه‌كه‌ى شیكرده‌وه‌ و په‌ره‌سه‌ندنه‌كانى هه‌رێم و عێراق و ناوچه‌كه‌شی ڕوون كرده‌وه‌ .

 له‌ كۆڕه‌كه‌دا كه‌ به‌رپرس و كارگێر و ئه‌ندام و كادرى پێشكه‌وتووى تێكڕاى لق و مه‌كته‌به‌كانى سنوورى پارێزگاى هه‌ولێر ئاماده‌ى بوون , مه‌سروور بارزانى ڕه‌وشی ناوخۆیی هه‌رێمى كوردستانى ڕوونكرده‌وه‌ و تیاشیدا دۆخى هه‌رێمه‌كه‌ى به‌ سه‌قامگیر و پێشكه‌وتوو وه‌سفكرد و سیستمى حوكمڕانیكردنیشی له‌ هه‌رێمى كوردستان به‌ پرۆسه‌یه‌كى دیموكراتى كه‌ ڕۆژ له‌ دواى ڕۆژ جێگیرتر ده‌بێت , هه‌ڵسه‌نگاند و ئه‌و بۆچوون و بانگه‌شه‌ ڕه‌شبین و نێگه‌تیڤانه‌شی كه‌له‌سه‌ر دیموكراتیه‌تى هه‌رێمه‌كه‌ لێره‌ و له‌وێ له‌ ئارادان , ڕه‌تكرده‌وه‌ و ئاینده‌ى دیموكراتى له‌ هه‌رێمى كوردستان , به‌ ئومێد به‌خش , وه‌سفكرد .

له‌ بابه‌تى پرۆژه‌ى ده‌ستوورى هه‌رێمى كوردستانیش كه‌ ئێستا دۆسێیه‌كى گه‌رموگوڕى ڕۆژه‌ , مه‌سروور بارزانى ڕایگه‌یاند كه‌ ده‌ستوورى هه‌رێم به‌ قۆناغ و ڕێوشوێنه‌ یاساییه‌كانى خۆیدا تێپه‌ڕیوه‌ و ڕا و بڕیارى خه‌ڵكى كوردستان , یه‌كلایی ده‌كاته‌وه‌ .

سه‌باره‌ت به‌و بۆچوونانه‌شی كه‌ باس له‌ ئاینده‌ى ده‌ستووره‌كه‌ ده‌كه‌ن , مه‌سروور بارزانى ڕوونى كرده‌وه‌ كه‌ ئه‌و لایه‌نه‌ى ئاینده‌ى پرۆژه‌ ده‌ستوورى هه‌رێم ده‌ست نیشان ده‌كات , ته‌نیا خه‌ڵكى كوردستانه‌ و وا پێویسته‌ خه‌ڵكى كوردستان مافى ئاسایی و سروشتى خۆیان بۆ بڕیاردان له‌سه‌ر ده‌ستوورى هه‌رێمه‌كه‌ى خۆیان و پرسه‌ چاره‌نووسسازه‌كان به‌كاربهێنن و ئه‌و مافه‌یان لێ زه‌وت نه‌كرێت .

 سه‌باره‌ت به‌ پێگه‌ى هه‌رێمى كوردستان و خه‌ڵكى كوردستانیش له‌ عێراق و ڕۆژهه‌ڵاتى ناوه‌ڕاست , مه‌سروور بارزانى به‌ پێگه‌یه‌كى به‌هێز و كاریگه‌ر كه‌ له‌ تێكڕاى هاوكێشه‌كاندا , ڕۆڵى كاریگه‌ریی بونیانه‌رانه‌ى هه‌یه‌ , له‌قه‌ڵه‌مدا و ئه‌و پێگه‌یه‌ى هه‌رێمه‌كه‌شی بۆ یه‌كگرتووى كورد و یه‌كڕیزى سیاسی , گه‌ڕانده‌وه‌ .

 سه‌باره‌ت به‌ ڕه‌وشی عێراقیش مه‌سروور بارزانى پابه‌ندبوونى هه‌مووانى به‌ ده‌ستوورى هه‌میشه‌ى عێراق , وه‌ك وه‌سیله‌یه‌ك بۆ چاره‌سه‌ركردنى تێكڕاى كێشه‌ هه‌ڵواسراوه‌كان دانا و جێگیربوونى دیموكراتییه‌تیشی له‌ عێراق وه‌ك زامنى مانه‌وه‌ى یه‌كپارچه‌یی ووڵاته‌كه‌ شیكرده‌وه‌ .

سه‌باره‌ت به‌ بارودۆخى ناوچه‌كه‌ به‌گشتى و دۆزى نه‌ته‌وه‌یی كورد له‌ ناوچه‌كه‌ , مه‌سروور بارزانى ماف و خواسته‌ نه‌ته‌وه‌ییه‌كانى كوردى به‌ بنه‌ماى سه‌ره‌كى هه‌ر گۆڕان و پێشڤه‌چوونێك دانا و ئاشتى و لێك تێگه‌یشتنیشی وه‌ك میكانیزمێك بۆ گه‌یشتنى كورد به‌ تێكڕاى ماف وخواسته‌ نه‌ته‌وه‌ییه‌كانى خۆى , شیكرده‌وه‌ .

 له‌سه‌ر ئاستى ناوخۆیی پارتى و كارى ڕێكخراوه‌یش , مه‌سروور بارزانى خزمه‌تكردنى خه‌ڵك و جه‌ماوه‌ریی كوردستانى به‌ ئه‌وله‌وییه‌تى كار و ئامانجى پارتى وه‌سفكرد و داواى له‌ ئه‌ندام و جه‌ماوه‌ریی پارتى دیموكراتى كوردستان كرد تا بۆ قۆناغى گه‌شه‌سه‌ندوترى داهاتوو , ساز و ئاماده‌بن . 

مەسرور بارزانی: كاتی خۆ ئامادەكردنە بۆ سەركەوتن و دەستكەوتی زیاتر

سەرلەبەیانی ئەمڕۆ پێنج شه‌ممه‌ 2/5/2013 ، مەسرور بارزانی پێشوازیكرد لە دەستەی مەكتەبی سكرتاریەتی یەكێتی قوتابیانی كوردستان.

لە دانیشتنێكدا كە ساسان عەونی بەرپرسی دەستەی جەماوەرییەكانی پارتی دیموكراتی كوردستان ئامادەیبوو، شاندی ناوبراو كورتەیەكیان لە كار و چالاكییەكانی یەكێتیەكەیان پێشكەشكرد.

مەسرور بارزانی دوای بەخێرهێنانیان رایگەیاند: یەكێتی قوتابیانی كوردستان ئەو رێكخراوە تێكۆشەرەیە كە تێیدا بەشداربووین و ژیانی سیاسی زۆربەمان لێرەوە دەستیپێكردووە، بۆیە ئێستاش بە رێكخراوی خۆمانی دەزانین و پاڵپشتی تەواوی دەكەین.

هەروەها راشیگەیاند: پێویستە یەكێتی قوتابیانی كوردستان بە پێی بەرنامە و پلانی نوێ‌ زیاتر خزمەتی توێژی قوتابیان بكات و هاندەربێت بۆ پێشخستنی ئاستی زانستی لە كوردستان و لەم رووەشەوە هاوكاری تەواوی خۆی بۆیان دووپاتكردەوە.

لەبەشێكی دیكەی دیدارەكەدا مەسرور بارزانی بارودخ و گۆڕانكارییەكانی ئێستای ناوچەكەی بە هەلێكی دیكە بۆ گەلی كوردستان وەسفكرد و گوتی: بارودۆخێكی لەبار بۆ گەلی كوردستان بەگشتی هاتۆتە پێشەوە و ئاسۆمان روونە، پێویستە هەمووان بە گیانی نیشتمانپەروەرانەوە یەكڕیزیمان بپارێزین و چونكە ئێستا كاتی خۆ ئامادەكردنە بۆ سەركەوتن و دەستكەوتی زیاتر.

مەسرور بارزانی پێشوازیی لە کۆنسولی گشتیی فەڵەستین کرد

سەرلە بەیانی ئه‌مڕۆ سێشه‌ممه‌ 30/4/2013 به‌ڕێز مەسرور بارزانی راوێژکاری ئەنجوومەنی ئاسایشی هەرێمی کوردستان، پیشوازیی لە بەرێزان سەفیر نەزمی حزووری کۆنسولی گشتیی وڵاتی فەلەستین لە هەولێر و باسم فەهمی حەلس راوێژکاری کۆنسولگەری فەلەستین کرد.

لە دیدارێکدا تاوتوێی پەیوەندییە دووقۆڵییەکانی هەرێم و فەلەستین کرا و جەخت لە سەر ئەوە کرایەوە کە پەیوەندیی مێژوویی گەلی کورد و فەلەستین بنەمایەکی پتەوە بۆ فراوانکردنی پەیوەندییەکانی ئێستای هەردوولا لە گشت ئاستەکاندا. هەر لەم دیدارەدا کونسولی فەلەستینی ئاماژەی بەوە کرد کە فاکتەری ئارامی و سەقامگیریی بووەتە هۆی ئەوەی کە هەرێمی کوردستان ببێت بە پەناگەیەک بۆ گشت پێکهاتەکانی عێراق و لەم میانەشدا ژمارەیەک لە هاوڵاتیانی فەلەستینی لە هەرێم جێگیر بوونە.

لە پەیوەندی بەم بابەتەوە، بەرێز راوێژکاری ئەنجوومەنی ئاسایش ئاماژەی بەوەدا کە دامودەزگاکانی هەریم هەموو جۆرە ئاسانکارییەک بۆ ئاسوودەیی ئەو هاوڵاتیە فەلەستینیانە پێشکەش دەکەن کە، سەردانی هەرێم دەکەن یاخود لە هەرێمدا جێگیر بوونە.

لە کۆتاییدا بەرێزیان ئاواتی خواست کە هەرچی زووتر گرژی و توندوتیژیەکانی رۆژهەلاتی ناوەراست کۆتایی پێ بهێت و گشت گەلانی ناوچەکە لە ئاشتی و ئارامیدا هەنگاو بۆ داهاتوویەکی پرشەنگدار بنێن و لەم نێوەندەشدا هەردوو گەلی دۆست بە گشت مافە رەواکانیان بگەن.

مه‌سرور بارزانی ساڵیادی ده‌رچوونی خه‌بات پیرۆز ده‌كات

به‌ بۆنه‌ی 54 ساڵه‌ی ده‌رچوونی رۆژنامه‌ی خه‌بات ، په‌یامێكی پیرۆزبای ئاراسته‌ى سه‌رنووسه‌ر و رۆژنامه‌نووس و كارمه‌ندانی رۆژنامه‌ی خه‌بات كرد ، ئه‌مه‌ ده‌قه‌كه‌یه‌تی:

به‌ بۆنه‌ی 54 ساڵه‌ی ده‌رچوونی رۆژنامه‌ی خه‌بات پیرۆزباییه‌كی گه‌رمتان لێده‌كه‌م و ده‌ستی یه‌كه‌ به‌ یه‌كه‌تان ده‌گوشم و ئومێدی سه‌ركه‌وتن و پێشڤه‌چوونی زیاترتان بۆ ده‌خوازم.

رۆڵی رۆژنامه‌ی خه‌بات له‌ كاروانی رۆژنامه‌گه‌ری كوردی دیار و به‌رچاوه‌، هه‌م وه‌ك قوتابخانه‌یه‌كی پێگه‌یاندنی رۆژنامه‌نووسان، هه‌م وه‌ك داكۆكیكارێك له‌ مافه‌كانی گه‌لی كوردستان و ده‌سكه‌وته‌كانی كه‌ به‌ خوێنی شه‌هیدان و قوربانیدان به‌دیهاتوون.
ئه‌مرۆش له‌ سایه‌ی ئه‌و سه‌قامگیری و ئاسایشه‌ی له‌ هه‌رێمی كوردستان به‌رقه‌راره‌‌ و له‌و ره‌وشه‌ی ناوچه‌كه‌ی پێدا تێده‌په‌ڕێ ئه‌‌ركه نه‌ته‌وه‌یی و نیشتمانییه‌كان ده‌خوازن له‌ چوارچێوه‌ی ئه‌و ئازادی رۆژنامه‌گه‌رییه‌ی هه‌یه‌، له‌ گه‌یاندنی هه‌واڵ و زانیاری دروست به‌ خوێنه‌ران به‌رده‌وام بن و، به‌ شێوه‌یه‌كی پیشه‌ییانه له‌ پێناو باڵاكردنی ئه‌زموونی كوردستاندا ‌ ‌ ده‌ستنیشانی ناته‌واوی و كه‌موكوڕییه‌كان بكه‌ن، هه‌روه‌ها وه‌ك هه‌میشه‌ داكۆكیكار و به‌شێك له‌ خه‌باتی رزگاریخوازی نه‌ته‌وه‌یی بوونه‌‌، له‌به‌رامبه‌ر ده‌رخستنی هه‌ڕه‌شه‌ و پیلانه‌كانی، كه‌ له‌سه‌ر نه‌ته‌وه‌كه‌مان بۆ ساردكردنه‌وه‌ و بێ ئومێدكردنی هه‌یه‌، سه‌رمه‌شق بن.
جارێكی دیكه‌ پیرۆزباییتان لێده‌كه‌م و هه‌ر شاد و سه‌رفراز بن.

مه‌سرور بارزانی
3-4-2013

مەسرور بارزانی: گیانی لێبوردەیی و پێکەوەژیان، هەوێنی چیڕۆکی سەرکەوتنی هەرێمی کوردستانە

مەسرور بارزانی پێشوازیی لە شاندێکی قوتابیانی ئەکادیمیای دیپلوماسیی ڤییەنا کرد
ئێوارەی ئەمرۆ رێکەوتی 2013/4/3 ، بەرێز مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە شاندێکی قوتابیانی ئەکادیمیای دیپلوماسیی ڤییەنا کرد.

ئەمەو لە دانیشتنێکدا کە بەرێزان د.مستەفا گۆران نوێنەری حکومەتی هەرێم لە نەمسا و ساسان عەونی بەرپرسی مەکتەبی رێخکراوە جەماوەرییەکان تیایدا ئامادە بوون، لە لایەن مەسرور بارزانییەوە دوا رەوشی هەرێم و ناوچەکە بۆ ئامادەبووان تاوتوێ کراو و دواتر لە لایەن قوتابیانەوە چەندین پرسیاری پەیوەندیدار بە پرسی کورد و دوا پەرەسەندنەکانی دەڤەرەکە ئاراستە کران و لە لایەن راوێژکاری ئەنجوومەنی ئاسایشی هەرێمەوە وەڵام و ڕوونکردنەوەی پێویست خرانە ڕوو.

لە میانەی پرسیارەکاندا هۆکاری جیاوازی رەوشی هەرێم و ناوچەکانی دیکەی عێراق جێگەی سەرنجی قوتابیان بوو، هەر لە پەیوەندی بەم بابەتەوە مەسرور بارزانی هۆکاری سەرەکیی سەرکەوتن و سەقامگیریی رەوشی هەرێمی بۆ هاوکاریی خەلکی کوردستان و گیانی پێکەوە ژیان و لێبوردەیی لە هەرێمدا گەڕاندەوە.

لە ئاماژەیەکیشدا بۆ داهاتووی پرسی کورد لە دەڤەرەکەدا بەرێزیان ئاماژەی بەوە دا کە، کورد خوازیاری یەکسانی و ئاشتی و پیکەوە ژیانە و لەو بڕوایەداین بە رێگە چارەی ئاشتیانە و گۆڕانکاری لە عەقڵییەتی زاڵ بەسەر دەڤەرەکەدا، زەمینە بۆ دەستەبەربوونی گشت مافەکانی کورد دەرەخسێت.
شایانی باسە ئەکادیمیای دیپلۆماسیی ڤییەنا لە ساڵی 1964 دامەزراوە و یەکێک لە ئەکادیمییە گرنگەکانی ئەوروپایە لە بواری پێگەیاندنی دیپلۆماتکاران.

نەورۆزتان پیرۆز بێت

بە بۆنەی جەژنی نەورۆز و سەرساڵی کوردیەوە، گەرمترین پیرۆزباییم ئاراستەی گەلەکەمان و هەموو ئەو گەلانە دەکەم کە ئەم رۆژەیان لا جەژنێکی نیشتمانییە.
جەژنی نەورۆز بۆ ئێمە هەڵگری هێمای خۆراگری و بەردەوامی و نوێبوونەوەیە، لەم بۆنەیەدا ئاواتەخوازم کە گەلەکەمان لەم ساڵە نوێیەشدا بە تەبایی و هاوهەڵوێستی و خۆراگری ڕووبەڕووی هەموو پێشهاتەکان ببێتەوە و بەرەو وەدیهاتنی دەسکەوتی زیاتر لە دەڤەرەکەدا هەنگاو بنێت. ئاواتمانە جەنگ و خوێنڕشتن لەم دەڤەرەدا کۆتایی پێ بهێت و گەلانی ناوچەکە بە ئاشتی و تەبایی بەرەو بنیاتنانی دەڤەرێکی پێشکەوتوو و پڕ لە خۆشی و کامەرانی هەنگاو بنێن.
گەلەکەمان لەم رۆژانەی جەژندا بە ئاسودەیی و دوور لە هەر مەترسییەک ئاهەنگ دەگێڕن، بۆیە جێگەی خۆیتی کە لەم بۆنەیەدا دەستخۆشانەمان ئاراستەی هەموو خوشک و برا ئازیزەکانمان لە دەزگاکانی ئاسایشی هەرێم و پۆلیس و پێشمەرگە بکەین، کە بە شەونخونی و ماندووبوونیان ئەم کەشە ئارامەیان بۆ هاوڵاتیانمان بەدیهێناوە.
هەر لەم بۆنەیەدا پیرۆزبایی و رێزی تایبەتم ئاراستەی خانەوادە سەربەرزەکانی شەهیدان و ئەنفالکراوانی گەلەکەمان دەکەم. نەورۆزێکی پڕ لە خۆشی و کامەرانی بۆ هەموو لایەک بە ئاوات دەخوازم. هەمیشە شاد بن و وڵات هەر ئاوەدان.

مەسرور بارزانی
٢٠/٣/٢٠١٣

مەسروور بارزانی ساڵیادی دامه‌زراندنی هه‌ردوو رێكخراوی (ی.ل.د.ك) و (ی.ق.ك) پیرۆز کرد

بە بۆنەی شەستەمین ساڵرۆژی دامەزراندی هەردوو یەکێتیی تێکۆشەر، (یەکێتی قوتابیانی کوردستان و یەکێتی لاوانی دیموکراتی کوردستان)، گەرمترین پیرۆزباییم ئاراستەی تاکە تاکەی ئەندامانی ئەم دوو رێکخراوە پڕ وزەیە دەکەم و ئاواتەخوازم توێژەکانی لاوان و قوتابیانمان لە چوارچێوەی ئەم دوو رێکخراوەدا بە گیانێکی نیشتمانپەروەرانە و چەکدار بە پەروەردەیەکی سەردەمیانە، هێز و وزەی لەبن نەهاتووی ئەم توێژانە بخەنە خزمەت پاراستن و پێشکەوتنی ئەزموونە دیموکراسییەکەمان و تێبکۆشن بۆ مسۆگەرکردنی داهاتوویەکی پرشنگدار بۆ وڵاتەکەمان و گەیشتن بە گشت ئاوات و مافە رەواکانمان .
ئەم دوو رێکخراوە بەردەوام قوتابخانەی پێگەیاندنی تێکۆشەرانی وڵاتەکەمان بوونە و بە دەیان سەرکردەی سیاسیی کوردستان دەرچووی قوتابخانەی ئەم رێکخراوانەن. منیش شانازی بەوە دەکەم کە ساڵانێک لە ریزەکانی ئەم رێکخراوانەدا خزمەتم کردووە، بۆیە هەر لەم بۆنەیەدا پیرۆزبایی لە هەموو ئەو تێکۆشەرە دێرینانە دەکەم، کە ساڵانێک ریزەکانی ئەم رێکخراوانە سەنگەری خەباتیان بووە.
ئومێدی سەرکەوتن و بەردەوامی و پێشکەوتنی زیاتر بۆ هەردوو ئەم رێکخراوە کاریگەر و چالاکە دەخوازم و سەری رێز و نەوازش بۆ گیانی سەرجەم شەهیدانی هەردوو رێکخراو و گشت شەهیدانی بزاڤی 
رزگاریخوازی کوردستان دادەنوێنم.

مەسرور بارزانی
١٧/٢/٢٠١٣

مەسرور بارزانی پێشوازیی لە باڵیۆزی وڵاتی سربیا لە عێراق کرد

ئه‌مڕۆ دووشه‌ممه‌، رێكه‌وتى 11/2/2013،  بەرێز مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە رادیساڤ پێترۆڤیچ باڵیۆزی وڵاتی سربیا لە عێراق کرد

ئەمەو لەم دیدارەدا باڵیۆزی سربی ئاسوودەیی خۆی  بەرامبەر ئارامی و سەقامگیریی هەرێمی کوردستان دەربڕی و ئاواتی خواست کە ئەم سەقامگیرییە باڵی بەسەر سەرجەم ناوچەکانی دیکەی عێراقدا بکێشێت تاکو هەموو عێراق لە شێوەی کوردستان، لە سایەی ئاسایش و ئارامیدا پێشکەوتنی ئابووری و ئاوەدانی بەخۆوە ببینێت ، هەروەها سەفیری سربی ویستی وڵاتەکەی خستەڕوو بۆ هاندانی کۆمپانیاکانی وڵاتەکەیان تاکو لە بواری جیاجیا وەبەرهێنانی زیاتر لە کوردستاندا بکەن و پەیوەندییەکانیان لە گەل هەرێمی کوردستان فراوانتر و پتەوتر بکەن.

لە بەرامبەردا بەرێز مەسرور بارزانی خۆشحاڵی خۆی لە بەرامبەر فراوانبوونی پەیوەندییەکانی هەرێم لە گەڵ وڵاتێکی گرینگی وەک سربیا پێشان دا  و ئامادەیی خۆی دەڕبڕی بۆ هاوکاری پێشخستنی ئەم پەیوەندییانە و هەر لەم بوارەدا بەرێزیان جەختی لە سەر بەرزکردنی ئاستی پەیوەندی فەرمیی دوولایەنە لە بوارە جیاجیاکانی سیاسی و ئابووریدا کرد و هیوای خواست هەرچی زووتر وڵاتی سربیا کۆنسولگەریی خۆی لە هەرێمی کوردستاندا بکاتەوە، لە بەرامبەردا سەفیری سربی ئاماژەی بەودەدا کە تاوتوێی کردنەوەی کۆنسولگەری دەکەن و وەک قۆناغی یەکەمیش نووسینگەیەکی نوێنەرایەتی لە هەرێمدا دەکەنەوە.

هەر لە میانەی ئەم دیدارەدا هەردوولا تاوتوێی دوا رەوشی عێراق ناوچەکەیان کرد و جەختیان لە سەر پێویستی بەردەوامی دیالۆگ و رێگەچارەی ئاشتیانە بۆ چارەسەریی گرفتەکانی دەڤەرەکە کردەوە.

ڤیدیۆ:


http://www.youtube.com/watch?v=MGL4ftMVXl4

مه‌سرور بارزانى رۆژی لە دایکبوونی پێغەمبەری مەزن (د.خ) لە موسڵمانانی کوردستان و عێراق و جیھان پیرۆز دەکات

مه‌سرور بارزانى به‌ بۆنه‌ى یادى له‌ دایك بوونى پێغه‌مبه‌رى ئیسلام حه‌زره‌تى محه‌مه‌د درودى خواى له‌ سه‌ر بێت ، په‌یامێكى پیرۆزبایى ئاراسته‌ى موسڵمانانى كوردستان و سه‌رجه‌م موسڵمانانى جیهان كرد و ئه‌مه‌ش ده‌قه‌كه‌یه‌تى:

ب هه‌لكه‌فتنا یادا پیرۆز یا ژ ده‌ى بوونا پێغه‌مبه‌رێ ئاشتیێ و لێبوورینێ، پێغه‌مبه‌رێ ئیسلامێ حه‌زره‌تى محه‌مه‌د سڵاڤێن خودێ لسه‌ر بن، گه‌رمترین پیرۆزباهیان ل موسڵمانێن كوردستانێ و ته‌ڤایا موسڵمانێن جیهانێ دكم، پێكهاته‌یێن كوردستانێ په‌یاما ره‌سه‌ن یا ئۆلا پیرۆز یا ئیسلامێ وه‌رگرتییه‌، كو ئه‌و ژى په‌یاما ئاشتیێ و لێبوورینێ یه‌، له‌ورا كوردستان هه‌رتم وارگه‌ها په‌یام و ره‌فتارا مرۆڤانتیێ بوویه‌.

هیڤیدارین د ڤێ هه‌لكه‌فتنێ ده‌ ئاشتى و ته‌ناهى بال بكشینه‌ سه‌ر ده‌ڤه‌رێ و جانێ ته‌بایی و لێبوورینێ و هه‌ڤدو قه‌بول كرنێ خورتر بكه‌ و په‌یاما ئۆلى ل توندگریێ و ده‌مارگیریێ دوور خینه‌ و، ئه‌و دیارۆكێن خویناوى و نامرۆڤانتى ب داوى بێن كو هه‌ررۆژ ل به‌شه‌كه‌ مه‌زن یا وه‌ڵاتان دبه‌ سه‌ده‌ما جان ژ ده‌ستدانا خه‌لكێ بێ تاوان. هه‌ر د ڤێ هه‌لكه‌فتنا پیرۆز ده‌ هیڤیدارین ب زووترین ده‌م داوى ب نه‌هامه‌تیێن گه‌لێن ده‌ڤه‌رێ بێت، ب تایبه‌تى ژى په‌نا ب خودێ گه‌لێ مه‌ یێ كورد ب رێیا چاره‌سه‌ریا ئاشتیانه‌ و ده‌موكراسیانه‌ ب ته‌ڤایا مافێن خوه‌ ب گه‌هن.

مه‌سرور بارزانى،
2013/1/23

مەسرور بارزانی پێشوازیی لە سەفیری ئوستراڵیا لە عێراق کرد

دوانیوەرۆی ئەمرۆ بەرێز مەسرور بارزانی راوێژکاری ئەنجوومەنی ئاسایشی هەرێمی کوردستان، پێشوازیی لە خاتوو (لیندال ساچێس) سەفیری وڵاتی ئوستراڵیا لە عێراق و (تۆماس کارۆل) سکرتێری یەکەمی سەفارەت کرد.

لە دانیشتنەکەدا سەفیری ئۆستراڵی خۆشحاڵی و ئاسوودەیی خۆی بەرامبەر بە رەوشی سەقامگیری ئاسایس لە هەرێمی کوردستان دەربڕی و ئاواتی ئەوەی خواست کە سەرجەم ناوچەکانی دیکەی عێراقیش بەهەمان شێوە ئارامی بەخۆیەوە ببینن تاکو لە شێوەی هەرێم زەمینە بۆ ئاوەدانی و پێشکەوتنی ئابووری برەخسێت.

هەروەها لە میانەی دانیشتنەکەدا تیشک خرایە سەر کێشەکانی نێوان بەغدا و هەرێم ، لەم بوارەدا بەرێز مەسرور بارزانی ئاماژەی بەوەدا کە ئەم کێشانە دەرەنجامی عەقلییەتی بەڕێوەبردنی وڵات لە بەغدا و نەبوونی متمانە لە نێوان پێکهاتەکانی عێراقە، بۆ چارەسەریی ئەم کێشانەش پێویستە کەشێک بخوڵقێت کە هەموو پێکهاتەکانی عێراق ئامادە بن بە ویستی خۆیان لەم پێکهاتەی عێراقدا بژین و نابێت بە هەڕەشە و خەراپ بەکارهێنانی دەسەڵات ، ئەجندای هیچ کەس و لایەنێک بە سەر وڵاتدا بسەپێندرێت.

لە بارەی دوا پەرەسەندنەکانی ناوچەکەش، مەسرور بارزانی جەختی لە رێزگرتن لە ئیرادەی گەلانی دەڤەرەکە و پەرەسەندنی دیموکراسییەت و دوورکەتنەوە لە هزری توندڕۆ و دەمارگرژی کردەوە و ئاماژەی بەودا کە ئەم گۆرانکارییانەی لە دەڤەرەکەدا دێنە کایەوە دەبێت لە ئاراستەی راستی خۆی لانەدات و ئامانج بەختەوەری و ئاشتی بۆ گەلانی ناوچەکە بێت.

هەر لەم دیدارەدا هەردوولا جەختیان لە سەر پەرەپێدانی پەیوەندیی دوولایەنە کردەوە و خاتوو(لیندال ساچێس) ئاماژەی بەوەدا کە وڵاتەکەیان نیازی بەشداری کاراتری لە بازاری ئابووریی کوردستان و دامەزراندنی پەیوەندیی نێوان زانکۆکان و بەشداری لە کەرتە جیاجیاکانی پیشەسازی و  ئاوەدانی هەرێمی کوردستان هەیە.